Сүм рүү хөтлөх шат хийхэд найман жил зориулжээ

Энэтхэгийн иргэн Ганаури Пасван гэгч чулууны дархан Бихар муж дахь 460 м өндөр уулын оройд байрладаг Баба Ёгешвар Нат сүм рүү хөтлөх шатыг чулуугаар хийхэд найман жилээ зарцуулж, олон мянган сүсэгтэн олны талархлыг хүлээгээд байна.

Ингэхдээ тэрбээр зөвхөн алх, цүүц хоёр л ашиглажээ. Шива бурханд мөргөхийг хүссэн нутгийн хөгшид, хөгжлийн бэрхшээлтэй иргэд болон хүүхдүүдэд тус сүмд очиход хүндрэлтэй байжээ. Чулуу ихтэй, эгц уул руу гарах жим байгаагүй тул зарим мөргөлчид бэртэхэд хүртэл хүрч байсан аж. Ачааны тэрэгний жолооч хийж байгаад чулууны дархан болсон Ганаури Пасван мөргөлчид ямар хүнд замыг туулдгийг харж, шат хийхээр шийдсэн байна. Чулуу авах мөнгөгүй тэрбээр уулын чулуу ашиглажээ. Ингэхдээ тэр зөвхөн алх, цүүц л хэрэглэсэн байна.