ЦАГ АГААР: Улаанбаатарт ялимгүй цас орж, -7 хэмийн хүйтэн байна

Агаарын температурын арав хоногийн дундаж Алтай, Хангай, Хөвсгөлийн уулархаг нутаг, Хан Хөхий, Булнай, Тарвагатайн нуруу, Хархираа, Түргэний уулс, Увс нуур, Дархадын хотгор, Тамсагийн хоолой болон томоохон голуудын хөндийгөөр 25.0-34.9 градус, Мэнэнгийн тал, төв болон говийн нутгийн зарим хэсгээр 15.0-19.9 градус, Алтайн өвөр, Номин, Шарга, Галбын говь, Ингэн хөөвөрийн хоолой, Загийн Усны хөндийгөөр 10.4-14.9 градус, бусад нутагт 20.0-24.9 градус хүйтэн (1 дүгээр зураг) буюу олон жилийн дундажтай харьцуулбал ихэнх нутагт дунджийн орчим ба түүнээс 1.1-11.7 градусаар хүйтэн байлаа.

Өнөөдөр: Ихэнх нутгаар үүлшинэ. Төв болон зүүн аймгуудын нутгийн зарим газраар цас орж, явган шуурга шуурна. Бусад нутгаар цас орохгүй. Салхи ихэнх нутгаар баруун хойноос 5-10 м/с, Алтайн салбар уулс болон говь, тал хээрийн нутгаар зарим үед 13-15 м/с хүрч ширүүснэ. Увс нуур болон Дархадын хотгор, Завхан, Идэр, Тэс голын хөндийгөөр 18-23 градус, Их нууруудын хотгор болон Хангай, Хөвсгөлийн уулархаг нутаг, Хүрэнбэлчир орчим, Эг, Үүр голын хөндийгөөр 10-15 градус хүйтэн, Алтайн өвөр говиор 0-5 градус дулаан, цас багатай газар болон говийн бүс нутгийн өмнөд хэсгээр 0-5 градус, бусад нутгаар 5-10 градус хүйтэн байна.

Улаанбаатар хотод:  Үүлшиж, ялимгүй цас орно. Салхи баруун хойноос 5-10 м/с, 5-7 градус хүйтэн байна.

Төлөв байдал: 27-ны өдөр баруун аймгуудын нутгийн хойд хэсгээр, 27-ны өдөр баруун аймгуудын нутгийн зүүн, говийн аймгуудын нутгийн баруун хэсэг, төвийн аймгуудын ихэнх нутгаар, 28-ны өдөр нутгийн зүүн өмнөд хэсгээр цас, 3-р сарын 1-ний өдөр Алтай, Хангай, Хөвсгөлийн уулархаг нутгаар ялимгүй цас орж, зөөлөн цасан шуурга шуурна. Салхи 26-ны өдөр нутгийн зарим газраар, 27-ны өдөр ихэнх нутгаар, 28-ны өдөр тал, хээрийн нутгаар, 3-р сарын 1-ний өдөр Алтайн салбар уулсаар 13-15 м/с хүрч ширүүснэ. Увс нуур болон Дархадын хотгор, Завхан, Идэр, Тэс голын хөндийгөөр шөнөдөө 30-35 градус, өдөртөө 15-20 градус, Их нууруудын хотгор, Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Эг, Үүр, Туул, Тэрэлж голын хөндийгөөр шөнөдөө 22-27 градус, өдөртөө 9-14 градус, говийн бүс нутгийн баруун өмнөд хэсгээр шөнөдөө 9-14 градус хүйтэн, өдөртөө 1 градус хүйтнээс 4 градус дулаан, бусад нутгаар шөнөдөө 15-20 градус, өдөртөө 3-8 градус хүйтэн байна. 27-ны өдөр нутгийн баруун хагаст, 28-ны өдөр нутгийн зүүн хагаст бага зэрэг хүйтэрнэ.