Ж.Батсуурь: Зарлага нь орлогоосоо давсан учраас усны үнийг нэмсэн
Цахилгаан, усны мөнгийг улсаас төлөх зохицуулалт 2021 оны эцсээр дуусгавар болсон. Тэгвэл иргэд өөрсдөө мөнгөө төлөхтэй зэрэгцэн усны үнэ 29-91 мөнгөөр нэмэгджээ.
Тодруулбал, Орон сууцны нэг литр цэвэр усны үнэ 36 мөнгөөр нэмэгдэж, 1 төгрөг 7 мөнгө болсон байна. Харин ААН-ын цэвэр усны мөнгө 69 мөнгөөр нэмэгдэж, 2 төгрөг 7 мөнгө болжээ. Харин худгийн ус 91 мөнгөөр нэмэгдсэн байна.
Усны үнэ нэмэгдсэн шалтгааныг улсаас хоёр жил төлөх хугацаанд үнэ нэмэхийг хориглосон учраас орлогоо давсан зарлагатайгаар ажилласан хэмээн Хот суурины ус хангамж, ариутгах татуургын ашиглалт үйлчилгээг зохицуулах зөвлөлийн дарга Ж.Батсуурь тайлбарласан юм.
Тэрбээр “2021 оны нэгдүгээр сарын 1-нээс цэвэр, бохир усны төлбөр зарим аймаг болон Улаанбаатар хотод нэмэгдсэн. Бид 2020,2021 онд усны үнэ тарифад ямар нэгэн зохицуулалт хийж, нэмэгдүүлээгүй байсан.
Улаанбаатар хотын хэмжээнд 600 гаруй ус түгээх байр байна. Усыг түгээхийн өмнө усан санд ариутгал, халдваргүйжүүлэлт хийдэг. Үүний дараа машинаар тээвэрлэж, ус түгээх байранд аваачиж борлуулдаг. Энэ өртөг, зардал байнга нэмэгдэж байгаа.
Ус түгээх нийтийн аж ахуй байгууллагууд ямар нэгэн татаас, нөхөн олговор авдаггүй. Тийм учраас аж ахуйн тооцоон дээр үндэслэж үйл ажиллагаагаа явуулах ёстой. Тэгэхээр бусад хэрэглэгдэж байгаа бензин, шатахууны үнэ, засварын сэлбэг хэрэгсэл, ус дамжуулах шугам, сүлжээ бол тэдгээрийг өргөтгөх, шинэчлэх, мөн засаж сэлбэх гэх мэт асуудал байнга үүсдэг. Орлого нь зарлагаа нөхөж дийлэхгүй нөхцөлд ажилласан. Бид алдагдалтай ажиллаж байгаа.
Улсаас усны мөнгө төлж байгаа үед усны үнэд өөрчлөлт оруулахыг хориглосон байсан учраас тарифаа нэмж чадахгүй байсаар зардлаа нөхөж чадахгүйд хүрсэн. Бүтэн хоёр жилийн хугацаанд тарифаа өөрчилж чадаагүй. Тиймээс нэгдүгээр сарын 1-нээс эхлээд нэмэгдсэн тарифаар тооцсон” гэлээ.
Нэмэгдсэн усны тариф
Орон сууц:
Цэвэр ус – 1 төгрөг 7 мөнгө
Бохир ус – 87 мөнгө
ААН:
Цэвэр ус – 2 төгрөг 7 мөнгө
Бохир ус – 1 төгрөг 80 мөнгө
Худагийн ус:
1 төгрөг 82 мөнгө
Холбоотой мэдээ
Сэтгэгдэл ( 7 )
Усны үнэ нэмэх хэрэгтэй шүү улс даяар нэмэх хэрэгтэй уул уурхайд бол маш их үнэтэй өгөх хэрэгтэй шүү дээ
Суурь үнэ гэдгээ авахаа боль
2 төгрөгний үнэтэй юм Монголд өөр байна уу? Усны үнэ нэмэх нь зөв, 100-200 төгрөгөөр нэмэгдсэн шатахуунаа үг дуугүй авдаг байж 36 мөнгөөр нэмэгдэхэд гоншигнохоо больцгоо
циркийн хажуугийн аймаар үнэтэй байранд амьдардаг том компаний захирал бна гэж харсан чинь том \nдарга байсан бна ш дээ
Манайх шиг гэв гэнэт нугалж нэмдэг гаж улс байхгүй эхлээд 20 мөнгө дараа нь 50 мөнгө гэхчлэн нэмдэг юмшүүдээ суурь ийм л юм хийнээ
үүнээс ихээр нэмэх хэрэгтэй 1Л бинзен хэчнээн 100 төгрөгөөр нэмэгдсэн байхад оочирлон барин авч зугаалдаг хэрнээ. Чандмань эрдэнэ болсон усаа 2 төгрөг ч хүрэхгүй нэмэгдэхэд үхэл хангалж хэрүүл хийж байгаа ХҮН та өөрөөсөө ичэх хэрэгтэй. Үр хүүхдэд өндөр үнээр БИНЗЕН худалдан авч уухад хүрэх вий
Усны үнийг нэмэх нь зөв өө.