“Глоб”-ын Ж.Мэндбаяр шоронд байхдаа тархиндаа гэмтэл авчээ
“Глоб кредит” ХЗХоршооны захирал Ж.Мэндбаяр хорих ангид өлсгөлөн зарлаж байгаа талаар бид өмнө нь мэдээлсэн. Тэгвэл өнөөдөр түүний биеийн байдал тааруу байгаа болон хууль хяналтынхан ажлаа тааруу хийж байна гэж “Глоб кредит” ХЗХоршооны хохиролыг барагдуулах хамтын бат итгэл нийгэмлэгээс мэдээлэл хийлээ. Тэд ШШГЕГ-ын дэд дарга бөгөөд Тогтоол гүйцэтгэх газрын дарга, хурандаа Т.Батболдын Улс.мн сайтад өгсөн ярилцлагыг баримт болгон өөрсдийн байр сууриа илэрхийлсэн юм. Тэдний хэлж байгаагаар Ж.Мэндбаярыг анхнаас нь буруу зүйл ангиар шийтгэж, дэглэмжийг бууруулах хуулийн заалт байхад бууруулаагүй гэдгийг онцолж, дахин дахин мэдэгдэж байлаа.
Ж.Мэндбаярын хувьд тавдугаар сарын 24-нд хуурай өлсгөлөн зарласан бөгөөд өнөөдөр түүний биеийн байдал тааруу байгаа гэнэ. Түүнийг тусдаа өрөөнд эмчийн хяналтад байлгаж гэр бүлийнхэнд нь тогтмол мэдээлж байгаа. Тэрбээр ШШГЕГ-ын харъяа хорих 427 дугаар анги буюу Багануурын чанга дэглэмтэй хорих ангид ял дэлж байх хугацаандаа бусдад зодуулж, тархиндаа хүнд гэмтэхээс гадна баруун чих нь дүлийрсэн аж. Мөн суурь өвчинтэй болохоор түүний амь нас дээсэн дөрөөн дээр дэнчигнэж байгаа гэнэ.
А.Баярмаа
Холбоотой мэдээ
Сэтгэгдэл ( 1 )
Худлаа битгий баашлаад бай Мэндбаяраа дүү Энхбаяр чинь ийм хор хийгээд байгааг мэдэхгүй гэж бодооюү та нар хэрэг хийчхээд ял эдэлж сураа ганц хоёр хохрогчийг худалдаж авчихаад ийм юм хийгээд явахаа болимоор юм