СБД: Дархлаажуулалтын цэг байрлаж байсан сургууль, цэцэрлэгүүдийг бүрэн ариутгалаа
Сүхбаатар дүүргийн Засаг даргын орлогч М.Алтангэрэлээр ахлуулсан ажлын хэсэг хоёр баг болон сургууль, цэцэрлэгүүдэд ажиллалаа.
Ажлын хэсэг нь хичээлийн шинэ жилийн бэлтгэлийг хангуулахтай холбогдуулан дүүргийн Засаг даргаас өгсөн үүрэг даалгаврын биелэлт, хөрөнгө оруулалт, тохижилт бүтээн байгуулалт, засварын ажлын явцтай танилцлаа.
Өнөөдөр ажилласнаар дүүргийн төрийн өмчийн 19 сургууль, 35 цэцэрлэгийг бүрэн хамруулж дууслаа.
Мөн дүүргийн Засаг дарга Х.Болормаа сургууль, цэцэрлэгийн удирдлагуудтай өнгөрсөн 7 хоногт цахимаар хуралдаж, захирал, эрхлэгч нарын санал хүсэлтийг хүлээн авч тодорхой шийдвэрүүд гаргасан. Иймд ажлын хэсэг нь зарим тохижилт хийх байршил, хүүхдийн аюулгүй байдлыг хангах чиглэлээр хийгдэх талбайн судалгаа, тооцоог нарийвчлан гаргах, ариутгал халдваргүйтгэлийн ажлыг хэрхэн зохион байгуулж байгаатай танилцсан юм.
Шинжилгээ болон дархлаажуулалтын цэгүүд байрлаж байсан сургууль, цэцэрлэгүүддээ голомтын болон гадна орчны ариутгалыг бүрэн хийж дууслаа.
Дүүргийн удирдлагаас сургууль, цэцэрлэгүүддээ халдвараас сэргийлэх арга хэмжээнүүдээ чанартай гүйцэтгэх, багш, ажилчид, хүүхэд багачуудынхаа эрүүл мэндэд онцгойлон анхаарч ажиллахыг үүрэг болгон, нутгийн захиргааны байгууллагаас шалтгаалах асуудлуудыг тогтмол дэмжин ажиллаж байна.
Сэтгэгдэл ( 2 )
bajanhoshuu geel ah min ded huranda batsuh ih ahraalgal amiadar budah gel.ger buelr n shtagad aldin baihd ayadin geel uen yadal de d hurand aa batsuh.getel bajanhoshuni dongoi humus abal 110 humus abaal 1999 ond hong kong shanghai agrjee.iim baij boldinmu.ner tior sergeeh huslet agragna.
15 hoorlol KTM haahans shtad gere uhsen 130 humus amid hong kong biz aguigal uila suujilee.amid baina.ene hurmach heregt.ere surbaljiah setgul zuin zindaa.