Эрчим хүчний салбарт 1.1 их наяд төгрөгийн татаас олгох хувилбар яригдаж байна

Эрчим хүчний салбарт 2026-2028 он хүртэл гурван жилийн хугацаанд 1.1 их наяд төгрөгийн татаас олгох хувилбар яригдаж байна. Сангийн яамны тооцооллоор хэрэв энэ хугацаанд дээрх мөнгийг олговол иргэдэд огцом дарамт учруулахгүйгээр 2028 оноос үнийг чөлөөлөх боломж бүрдэх аж.

Татаасны 600 орчим төгрөгийг энэ онд, 300 орчим тэрбум төгрөгийг ирэх онд, үлдсэнийг 2028 онд олгохоор төлөвлөж байна.

Одоогийн байдлаар эрчим хүчний салбарын 48 үйлдвэр, компани алдагдалтай ажиллаж байгаа судалгаа гарчээ. Түүнчлэн Монголын эрчим хүч, геологи, уул уурхайн үйлдвэрчний эвлэлээс эрчим хүчний салбарын ажилтнуудын  цалин хөлсийг 30-аас дээш хувиар нэмэгдүүлэх шаардлага тавьсан. Гэвч Засгийн газартай зөвшилцөж чадаагүй тул ажил хаялт зарлах нөхцөл бүрджээ.  Хэрэв 30% нэмэгдүүлье гэж тооцвол 180 тэрбум төгрөгийн санхүүжилтийн эх үүсвэр шаардлагатай аж.