ИЗНН-ын сурталчилгааны ажил Дорнод аймгаас эхэллээ

Ж.Сондор | Zindaa.mn
2024 оны 06 сарын 11

 

2024 оны УИХ-ын сонгуулийн сурталчилгааны үйл ажиллагаагаа Иргэний Зориг Ногоог нам энэ сарын 10-ны өдөр Дорнод аймгаас эхлүүллээ. 

Энэ тухай ИЗНН-ын дарга Б.Батбаатар "Бид улс орон даяар сонгуулийн үйл ажиллагаагаар иргэд сонгогчид, гишүүд, дэмжигчид, ард иргэдтэйгээ уулзаж, өөрсдийн мөрийн хөтөлбөр зорилгоо танилцуулан иргэдийнхээ санаа бодлыг авч хамтран ажиллах болно. 

2024 оны 6-р сарын 28 буюу хэдхэн өдрийн дараа Монголын ард түмэн Үндсэн хуулинд заагдсан төр барих эрхээ эдлэх гэж байна. 6 сарын 28-ны өдөр бол шийдэх эр зоригтой байх өдөр. Өөрчлөх зоригтой байх ёстой өдөр" гэлээ. 

Нэр дэвшигчид өнөөдөр Сүхбаатар аймгийн Баруун-Урт хотод ажиллаж байна. 

 

 

Top