Шөнийн цахилгааны үнэд хөнгөлөлт үзүүлэх журам ирэх сарын 1-ээс хэрэгжинэ
Монгол Улсын Засгийн газрын 2017 оны 07 дугаар сарын 04-ний өдрийн 199 дүгээр тогтоолоор батлагдсан "Гэр хорооллын айл өрхөд цахилгаан эрчим хүчний тарифын хөнгөлөлт үзүүлэх журам”-ыг үндэслэн Эрчим хүчний зохицуулах хорооноос дараах шийдвэрийг гаргалаа.
Үүнд:
1. Улаанбаатар хотын агаарын бохирдлыг бууруулах зорилгоор Нийслэлийн гэр хорооллын бүсэд орших хоёр тарифт тоолууртай өрхийн орой, шөнийн цагт хэрэглэсэн цахилгааны тарифыг 100 хувиар хөнгөлөх;
2. Аймгийн төв болон арван мянгаас дээш хүн амтай сум, суурин газрын гэр хорооллын бүсэд орших хоёр тарифт тоолууртай өрхийн орой, шөнийн цагт хэрэглэсэн цахилгааны тарифыг 50 хувиар хөнгөлөх;
Дээрх хөнгөлөлт нь хүйтний улиралд буюу 2018 оны 11 дүгээр сарын 01-ний өдрөөс 2019 оны 04 дүгээр сарын 01-ний өдрийг хүртэлх хугацаанд хэрэгжих бөгөөд оройн 21.00 цагаас өглөөний 06.00 цагийн хооронд гэр хорооллын хэрэглэгчдийн хэрэглэсэн цахилгааны төлбөрт хөнгөлөлт үзүүлнэ.
Гэр хорооллын хэрэглэгчдийн орой, шөнийн цагт хэрэглэсэн цахилгааны тарифыг хөнгөлөхдөө цахилгаан түгээх шугам сүлжээний техникийн боломжтой уялдуулан дараах зохицуулалтыг хийнэ. Үүнд
1. 220 В-ын буюу 1 фазын сүлжээнд холбогдсон хэрэглэгчдийг хангах цахилгааны дээд чадал 2.5 кВт байгаа учраас гэр хорооллын айл өрхийн орой, шөнийн цагт хэрэглэсэн цахилгааны тарифыг 100 хувь хөнгөлөх цахилгаан хэрэглээний дээд хязгаарыг нэг сард 700 кВт.ц-аар тооцох бөгөөд 700 кВт.ц-аас илүү гарсан орой, шөнийн цахилгааны хэрэглээний тарифыг 50 хувиар хөнгөлөх;
2. 380 В-ын буюу 3 фазын сүлжээнд холбогдсон гэр хорооллын айл өрхийн орой, шөнийн цагт хэрэглэсэн цахилгааны тарифыг 100 хувь хөнгөлөх цахилгааны дээд хязгаарыг нэг сард 1500 кВт.ц-аар тооцох. 1500 кВт.ц-аас илүү гарсан орой, шөнийн тарифыг 50 хувиар хөнгөлөхөөр шийдвэрлэжээ.
Агаарын бохирдлыг бууруулах арга хэмжээний хүрээнд орой, шөнийн тарифын хөнгөлөлтөд Нийслэл хотын 120000 орчим айл өрх, аймгийн төв, арван мянгаас дээш хүн амтай сум, суурин газрын 15000 орчим айл өрх, нийтдээ улсын хэмжээнд 135000 орчим айл өрх хамрагдах урьдчилсан тооцоо гарсан байна.
Холбоотой мэдээ
Сэтгэгдэл ( 2 )
дамжуулснаар тэндээс л зохих шимтгэлээ авмаар юм. Энэчилэн гэр хороололынхон хотын засаг даргын хэлснээр ”Аз жаргалтай Улааанбаатарт амьдарч байна уу? Аргаа ядсан Улаанбаатарт амьдарч байна уу? гэдгээ мэдэхээ болилоо. Тэгээд л манай хороо, миний гудамж л гэх юм. Хороо цэвэрхэн бол хот цэвэрхэн гэж гоё үг ярих боловч амьдрал дээр аль нь ч алга. Хорооны хог хийсээд хотыг маань бохирдуулж байгааг мэдэхгүй хэдэн арчаагүй ажилтнуудыг ар өврийн хаалгаар нам дагуулж тавьснаас ийм болж байна. Үүнийгээ засаачээ.
Энэ зөв шийввэр л дээ гэхдээ бүрэн 100 хөнгөлөхгүй тодорхой хэмжээ зээж байна шүү дээ тэхээр гэр хороололын иргэдийн цахилгааны хэрэглээг 100 хувь хөнгөлөнө гэж хэлж бас боломгүй. Зүгээр л ингэж хөнгөлөнө гээд л болно шүү дээ. Эрчим хүчний байгууллага дэндүү монопол эрхтэй. Тэгээдч телевизын болон хогны мөнгийг гэрлийн мөнгөтөй хамт хурааж авдаг. Гэтэл БЗД-гийн 12-р хорооны гэр хороолоынхон хогоо хашааныхаа гадна овоолоод 4 дэх сарынхаа нүүрийг үзэх гэж байна. Хогны мөнгөө бол авсаар л байгаа. Олонхи айлууд кабелийн телевизд сар болгон мөнгө тушааж нэвтрүүлэг хардаг. Монгол телевиз нэврүүлгийг