”Аз жаргалын хэлтэрхий” цувралын камерын ард юу болдог вэ?

Кино урлаг үүссэн цагаасаа л хүмүүсийн үзэх дуртай зүйлсийн нэг болсон. Тэгвэл нэг ангит кино бүтээхэд л маш олон хүний хүч хөдөлмөр ордог гэдгийг бид мэднэ. Тэгвэл цуврал, олон ангит кино бүтээхэд хэр их хөдөлмөр зарцуулагддаг бол. Дэлгэцийн уран бүтээл гэдэг олон хүний хүч хөдөлмөр дээр босдог гэдгийн нэгэн жишээ бол "Аз жаргалын хэлтэрхий" цуврал юм. Нэг ангийн зураг авалтад л гэхэд нийт 130 хүний баг бүрэлдэхүүнтэй ажилладаг байна. Тухайлбал, 30 үндсэн болон гол дүрүүд, 10-20 туслах дүр, 30-аад олны хэсгийн дүрүүд багтдаг байна. Мөн нэг ангийн зураг авалтыг л гэхэд хамгийн багадаа 27 объект дээр зураг авч байжээ. Кино зохиолын хувьд ч энгийн цувралаас илүү сэтгэл хөдөлгөм байдаг нь нэг ангийн зохиол нь ойролцоогоор 100 хуудас байдагтай холбоотой аж. Ийнхүү бидний шимтэн үзэх дуртай цуврал бүтдэг байна. 

Б.Янжиндулам

www.zindaa.mn