ӨГЛӨӨНИЙ МЭНД!
Өнөөдөр 2022.11.15. Билгийн тооллын 22. Монгол эх оронд маань нар 07 цаг 58 минутад мандлаа, 17 цаг 16 минутад жаргана.
Улаанбаатар хотод цэлмэг. Өдөртөө 1 хэм, шөнөдөө -13 хэм. Та хувцсаа тохируулж өмсөөрэй.
Өнөөдөр Палестинд Тусгаар тогтнолын өдөр, Казахстанд Үндэсний валютын өдөр.
Өнөөдөр Францын кино найруулагч Франсуа Озон, Германы биатлонч, олимпын хоёр удаагийн аварга Уши Дизль, Америкийн жүжигчин, фотомодель Яя Дакоста, Шейлин Вудли, топ модель Лили Олдриж, Их Британийн модель, жүжигчин Жемма Аткинсон, Аргентины хөлбөмбөгч Пауло Дибала зэрэг алдартны төрсөн өдөр.
Энэ өдөр дэлхий дахинд болсон онцлох үйл явдлууд:
1957 оны энэ өдөр Борис Пастернакийн “Живаго эмч” роман итали хэл дээр гарчээ.
1968 оны энэ өдөр “Хатан хаан Элизабет” хөлөг Атлантын далайг дамнасан сүүлчийн аяллаа дуусгасан байна.
1982 оны энэ өдөр Л.И.Брежневийг Улаан талбайд оршуулжээ.
1996 оны энэ өдөр Майкл Жексон, Дебби Роу нарын хурим болов.
2003 оны энэ өдөр Туркийн Истанбул хотын төвд террорист ажиллагаа болж, 28 хүн амиа алдсан билээ.
Өнөөдөр үс засуулвал Идээ ундаа элбэг олдоно.
Эл өдөр хулгана, луу жилтнээ аливаа үйлийг хийхэд эерэг сайн бол бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан гөрөө хийх, мал адгуус муулах, сан тавиулах, угаал үйлдэх, бүжиг наадам хийх, цэцэрлэг байгуулах, урлан бүтээхэд сайн. Харин хувцас эсгэх, шинэ хувцас өмсөх, зөвлөгөө хийх, сэтгэлд сэвтэй газар очиход муу. Өдрийн сайн цаг нь хулгана, үхэр, луу, могой, хонь, нохой.
Хол газар явах бол зүүн тийш мөрөө гаргаад аян замдаа гараарай.
Өнөөдрийн ажилд тань амжилт хүсье.
Холбоотой мэдээ
Сэтгэгдэл ( 0 )