Хар тамхи допаминтай ямар хамааралтай вэ?

Хар тамхи болон донтолтын талаар сэтгэл заслын эмч Р.Энхтүвшингийн ярилцлагаас хүргэж байна.

Р.Энхтүвшин: Дофаминыг хамгийн ихээр, хамгийн хурдан ялгаруулдаг хүчин зүйлсийн тоонд мансууруулах бодис болон мөрийтэй тоглоом ордог.  Мансууруулах бодис хэрэглэх үед тархинд дофамин хиймлээр, маш их хэмжээгээр ялгардаг.

Өөрөөр хэлбэл, тухайн хүн ямар нэгэн хичээл зүтгэл, хөдөлмөр гаргахгүйгээр дофамины хүчтэй ялгарлыг мэдэрдэг. Үүний улмаас мансууруулах бодисыг ганцхан удаа хэрэглэсэн ч дофамины хэмжээ огцом нэмэгдэж, улмаар өдөр тутмын энгийн зүйлсээс авах баяр баясал, таашаал аажмаар буурч эхэлдэг.