Жузупбеков: Энд хэвийн амьсгалахад ч хэцүү юм

“Буянт Ухаа” спортын ордонд чөлөөт, сонгомол бөхийн чансааны оноо олгох олон улсын тэмцээн өчигдөр эхэлсэн. Эхний өдөр сонгомол бөхийн 55, 67, 72, 77, 82, 87 болон 97 кг-ын жингийн барилдаан болж, аваргууд тодорлоо.

Киргизийн гурван бөх алтан медаль, хоёр бөх мөнгө, нэг бөх хүрэл медаль хүртсэнээр эхний өдөр давамгайллаа. Манай тамирчдаас 87 кг-ын жинд Ц.Батбаяр мөнгө, 55 кг-ын жинд М.Даваабанди, 97 кг-ын жинд Г.Ганхуяг нар хүрэл медаль хүртсэн юм.

Парисын олимпын хүрэл медальт Киргизийн бөх Узур Жузупбеков “Миний хувьд ирэх олимпын циклийн эхний барилдаан байлаа. Үнэндээ их хэцүү санагдлаа. Цаг агаар нь их өөр учир барилдахад хэцүү юм. Далайн түвшнээс дээш 1400 метрт болохоор их хуурай уур амьсгалтай. Зөвхөн надад ч бус манай шигшээгийн баг тамирчдад ч амаргүй байгаа. Бүр эхний барилдаанаас л хэцүү нь мэдрэгдсэн. Энд би хэвийн амьсгалж ч чадахгүй юм.

Энэ тэмцээний дараа Унгар юмуу Польшийн тэмцээнд очиж барилдана. Бэлтгэлээ арай өөр ч хийх ёстой юм шиг байна. Европын бөхчүүд биеэр том, бяртай шүү дээ. Гэхдээ бэлтгэл сайтай бол ялна л гэж гэж бодож байгаа” хэмээн өгүүлсэн байна.

Жузупбековын дурдсан эхний барилдаан гэдэг нь чөлөөт бөхийн олон улсын хэмжээний мастер, улсын харцага Г.Ганхуягтай тулснаа хэлж байгаа нь. Г.Ганхуяг эхлээд 6 оноо авсан ч “бариулж” 6:10-аар ялагдсан.

Тэмцээний эхний өдрийн медальтнууд:

55 кг:

1. Анил Мор (Энэтхэг)

2. Муратбек Уулу (Киргиз)

3. М.Даваабанди (Монгол)

67 кг:

1. Раззак Беишекеев (Киргиз)

2.Мурат Фират (Турк)

3.Нераж Нераж (Энэтхэг)

72 кг:

1. Сэйд Сохраби (Иран)

2. Мехмет Мустафа (Турк)

3. Ерыскелди Хамзаев (Киргиз)

77 кг:

1.Ахмет Йылмаз (Турк)

2.Ерискелди Уулу  (Киргиз)

3.Нишан Погат (Энэтхэг)

82 кг:

1. Шахин Бадагимофрад (Катар)

2. Принс Принс (Энэтхэг)

3. Бурхан Акбудак (Турк)

87 кг:

1.Асан Курбанович Жанисов (Киргиз)

2.Ц.Батбаяр (Монгол)

3.Каран Камбож (Энэтхэг)

97 кг:

1. Узур Жузупбеков (Киргиз)

2. Нитеш Нитеш (Энэтхэг)

3. Г.Ганхуяг (Монгол)