ЭКОЛОГИЙН ЦАГ: "СТРАТО" компанийн хууль бус нүүрс тээвэрлэлтийн замыг хаахыг шаардаж байна

“СТРАТО” ХХК-ийн хууль бус үйл ажиллагаанаас болж Өмнөговь аймгийн Цогтцэций сумын нутагт нүүрсний тээврийн 39 салаа шороон зам үүссэнийг ТВ8 телевизийн “Экологийн цаг” нэвтрүүлгийн баг газар дээрээс нь сурвалжилж, баталгаажууллаа. Говийн гурван аймгийн долоон сумын 13 багийн нутгаар дамжин 430 км шороон замаар хүнд даацын машинаар нүүрсний тээвэр хийж, байгаль орчинд хор хохирол учруулж, амьдрах аргагүй болсон талаар иргэд ярьж байна.