Түмэн морьтны жагсаалын хамгаалалт, зохицуулалтад 1071 алба хаагч үүрэг гүйцэтгэлээ

Монгол Улсын Ерөнхийлөгч У.Хүрэлсүхийн санаачилгаар Нэгдсэн Үндэстний Байгууллагаас баталсан “Дэлхийн адууны өдөр”-ийн Олон Улсын баярын нээлт өнөөдөр /2026.07.13/ Хүй долоон худагт зохион байгуулагдав.

Нээлтийн үйл ажиллагааг тохиолдуудан “Түмэн морьтны жагсаал”-ыг зохион байгуулж, жагсаалд 13,000 гаруй морьтон оролцсон юм.

Энэ үеэр цагдаа, дотоодын цэргийн 32 анги, байгууллагын 1071 алба хаагч нийтийн хэв журам хамгаалах, олон нийтийн аюулгүй байдлыг хангах, гэмт хэрэг, зөрчил, осол хэргээс урьдчилан сэргийлэх чиглэлээр морьт эргүүл, мотоцикльт эргүүл, авто эргүүл болон явган эргүүлийн үүрэг гүйцэтгэлээ.