Сон Хын Мин ДАШТ-д дөрөв дэх удаагаа оролцож байна
Өмнөд Солонгосын шигшээ багийн ахлагч Сон Хын Мин Мексикт болох А хэсгийн эхний тоглолтод Чехийн эсрэг талбайд гарснаар карьерынхаа 4 дэх удаагийн ДАШТ-д оролцож байна.
Тэрээр Гвадалахара хотын ойролцоо орших Сапопан дахь "Эстадио Гвадалахара" (Estadio Guadalajara) цэнгэлдэх хүрээлэнд орон нутгийн цагаар пүрэв гарагийн 20:00 цагт эхэлсэн тоглолтын үндсэн бүрэлдэхүүнд багтсан.
Сон Хын Мин үндсэн хаалгач Ким Сын Гюгийн хамтаар дөрөв дэх удаагаа ДАШТ-д оролцож байгаа бөгөөд ингэснээрээ Өмнөд Солонгосын хөлбөмбөгийн түүхэнд хамгийн олон ДАШТ-д оролцсон дөрөв дэх тоглогч болж байна.
Тус улсын үндэсний шигшээ багийн одоогийн ахлах дасгалжуулагч Хун Мён Бу, довтлогч асан Хван Сон Хун, хаалгач асан И Үн Жэ нар 4 удаагийн ДАШТ-д тоглож байжээ.
Сон Хын Миний хувьд Өмнөд Солонгосын эрэгтэй хөлбөмбөгчдөөс хамгийн олон буюу 143 тоглолтод оролцсон. Мөн тэрээр шигшээ багтаа 54 гоол оруулсан амжилтаар улсдаа хоёрт бичигдэж байна. Түүний хувьд ДАШТ-ий үеэр 3 гоол оруулсан бөгөөд энэ удаагийн тэмцээнд гоол оруулж чадвал улсынхаа түүхэн дэх хамгийн олон гоол ДАШТ-ий үеэр оруулсан тоглогч болох юм.
Сэтгэгдэл ( 0 )