Онлайн хэлбэрээр уулзалт зохион байгуулахаар төлөвлөж байна

“Их 7”-ийн бүлгийн гишүүн орнуудын удирдагчид ирэх долоо хоногт онлайн хэлбэрээр уулзалт зохион байгуулахаар төлөвлөж байгаа тухай Японы олон нийтийн телевизийн NHK суваг мэдээлсэн байна.

Арванхоёрдугаар сарын 13-нд хийх төлөвтэй байгаа энэ онлайн дээд хэмжээний уулзалтад Японы Ерөнхий сайд Шигэрү Ишиба оролцох аж. Энэ уулзалтаар “Их 7”-ийн бүлгийн гишүүн орнуудын удирдагчид эв нэгдэлтэй байгаагаа илэрхийлэхийн зэрэгцээ Украин болон Ойрх дорнодын нөхцөл байдлыг хэлэлцэх юм байна.

Түүнээс гадна “Их 7”-ийн бүлгийн гишүүн орнуудын удирдагчид ОХУ болон БНАСАУ-ын эсрэг нэмэлт хориг арга хэмжээ авч хэрэгжүүлэх боломжийн тухай бас хэлэлцэх төлөвтэй байгаа ажээ.