САЙН МЭДЭЭ | Зэвсэгт хүчнийхэн малчдад дэмжлэг үзүүлж байна

Цас их хэмжээгээр орсны улмаас өвөлжилт хүндэрсэн аймаг, сумдад Зэвсэгт хүчнийхэн нийгмийн хариуцлагын хүрээнд тусламж, дэмжлэгийг үзүүлсээр байна. Дорнод аймгийн Булган суманд Зэвсэгт хүчний 327 дугаар ангийн ахлах ахлагч Б.Отгонжаргалаар ахлуулсан бүлэг, Төв аймгийн Баяндэлгэр, Эрдэнэ, Архуст сумдад Зэвсэгт хүчний 016 дугаар нэгтгэлийн ахмад Н.Энхбатаар ахлуулсан цэргийн алба хаагчид 6 нэгж техниктэйгээр ажиллаж байна.

Тэд цасанд боогдсон малчин айл өрхийг нүүлгэн шилжүүлэх болон өвс тэжээл тээвэрлэж хүргэх, зам даваа гүвээг нээх ажлыг гүйцэтгэж байна. Хэцүү цаг үед үргэлж хамт байдаг цэргийнхэндээ баярлалаа гэдэг үгийг орон нутгийнхан уламжилсаар байна.