"The Wasabies" хамтлагийн охид Япон улсад ДЕБЮТ хийхээр зорилоо

"Лето мюзик" компанийн захирал Бадарууганы Наранзун Урлагийн гавьяат зүтгэлтэн цол тэмдгээр энгэрээ мялаасан. 

30 гаруй жилийн хугацаанд 300 гаруй уран бүтээл хийсэн тэрээр сүүлийн үед залуу уран бүтээлчдийг дэмжин ажиллаж буй. Түүний продюсерээр нь ажилладаг "The Wasabies" хамтлагийн охид Япон улсад дебютээ хийхээр болжээ.

Ази тивд гарах зорилготой буйгаа "Shark Tank" нэвтрүүлгийн үеэр дурдаж байсан хамтлагийн охид зорилгодоо алхам алхмаар хүрч өнөөдөр (2022.08.09) япон улсад продюсерийн хамтаар очжээ. 

Тэд өнгөрөгч хоёрдугаар сард Япон улсад дебют хийхээр болсноо зарласан. Тус улсын энтертайнменттай гэрээ хийж, япон продюсертэй болж буй тэд тун удахгүй шинэ уран бүтээлүүдээ цацаж эхлэх нь ээ.