ӨНӨӨДӨР: Талийгаач Т.Гомбосүрэнгийн гэр бүл мэдээлэл хийнэ

2018 оны 12 сарын 11

 

09:00 цагт

  • МҮХАҮТ-ын хурлын зааланд "Хуульчийн нийгмийн хариуцлага-Про Боно" чуулга уулзалт болно. Утас: 9806-6116

  • “Блю Скай” зочид буудлын гурван давхрын хурлын танхимд “Санхүүгийн салбарын комплаенс форум 2018” арга хэмжээ болно. Санхүүгийн зохицуулах хороо салбарын мэргэжлийн холбоодтой хамтран зохион байгуулж буй энэхүү форумаар Олон улсын валютын сан ба Монгол Улс, Санхүүгийн салбар дахь мөнгө угаах гэмт хэрэгтэй тэмцэх арга зам, Санхүүгийн салбарын комплаенсын өнөөгийн байдал, тулгамдаж буй асуудал, Үнэт цаас, даатгал, банк бус санхүүгийн байгууллага болон хадгаламж зээлийн хоршооны салбар дахь комплаенс зэрэг ач холбогдолтой сэдвүүдийг хэлэлцэнэ. Утас: 9927-7963, 8886-1126

  • ШУТИС-ийн хичээлийн хоёрдугаар байрны дөрвөн давхарт 403 тоотод "Барилгын хог хаягдал, хуучин барилгын ухаалаг буулгалт, буулгалтаас үүссэн хаягдлыг дахин боловсруулах аргын талаар онолын болон практик мэдлэг олгох, цаашид барилгын салбарын нөөцийн үр ашигтай байдал болон тогтвортой цэвэр үйлдвэрлэл, хэрэглээг үйл ажиллагаандаа нэвтрүүлэн хэрэгжүүлэхэд дэмжих" чадавхи олгох сургалт болно. Утас: 9980-6516, 9093-0350, 9900-2058

  • МУИС шинэ номын сангийн хоёр давхрын 202 тоотод "Бид ирээдүйн нобелийн шагналтнууд" шинжлэх ухааны лекц, өдөрлөг болно.

  • Говь ХК үйлдвэрийн байр Мираж ресторанд "Шинэ Ховд-Хөрөнгө оруулалт, хөгжлийн чуулган” болно. Утас: 9943-1121, 9910-3399, 9911-3313

09:30 цагт

  • Чингис зочид буудлын гурван давхрын хурлын танхимд "Тогтвортой газар тариалан" зөвлөгөөн эхэлнэ. 17 цаг хүртэл үргэлжлэх тус зөвлөгөөнөөр тариалангийн талбайн хөрсний үржил шимийг сайжруулах, тэжээлийн таримлын тариалалтыг нэмэгдүүлэх, тариалалтын технологийг шинэчлэх зэрэг асуудлаар ургамал, хамгаалал, эрдэм шинжилгээний хүрээлэнгийн эрдэм, судлаачид илтгэл хэлэлцүүлнэ. Зөвлөгөөнд 14 аймгийн ХХААГ, агрономич, газар тариалан эрхлэгчдийн төлөөлөл болсон 100 орчим хүн цуглаж, хэрхэн тогтвортой газар тариалан эрхлэх вэ гэдэг асуултад хариулт эрэлхийлэх болно. Утас: 8001-9000

10:00

  • ШУА-ийн тэргүүлэгчдийн газрын зургадугаар давхарт 14 эрдэмтний бүтээлийн үзэсгэлэн гарч байна. Утас: 9811-9897

  • Corporate Convention center төвийн концертын их танхимд "Ногоон гэрэл-Цагаан шугам 2018" тэмцээн 37 дахь жилдээ болно. Утас: 99091210, 88106605

11:00 цагт

  • Монгол ньюс мэдээллийн төвд ЗТХЯ-ны байранд амиа алдсан Т.Гомбосүрэнгийн гэр бүл, өмгөөлөгчдийн хамт хэвлэлийн хурал хийж, хэрэг шалгалтын явцын талаар болон Хууль зүй, дотоод хэргийн сайд Ц.Нямдоржид шаардлага хүргүүлэх тухай мэдээлэл хийнэ. Утас: 8808-8878

12:00 цагт
  • Эрүүл мэндийн яамны гадна талбайд Эрүүл мэндийн сайд Д.Сарангэрэл, Зоонозын өвчин судлалын үндэсний төвд Иж бүрэн тоноглогдсон лаборторийн автомашин гардуулна. Уг автомашин нь хил дамнасан байгалийн голомтот өвчнийг бууруулахад ихээхэн ач холбогдолтой бөгөөд 20 нэр төрлийн тоног төхөөрөмжөөр тоноглогдсон юм. Утас: 99179899, 86885060
14:00 цагт
  • ЭМЯ-ны хөрөнгө оруулалтаар БЗД-ийн нийт 27 ӨЭМТ-д нэн шаардлагатай тоног төхөөрөмжийг гардуулна. Тус арга хэмжээнд Эрүүл мэндийн сайд Д.Сарангэрэл, НЭМГ-ын дарга Л.Төмөрбаатар нар оролцоно. Утас: 99179899, 90080806
ТӨРИЙН ОРДОН

АЖЛЫН ХЭСГИЙН ХУРАЛДААН:

  • Төрийн албаны шинэчилсэн найруулгын тухай хуульд заасан дүрэм, журмуудыг нэгдсэн хуралдаанаар хэлэлцүүлэх бэлтгэл хангах, санал, дүгнэлтийн төсөл боловсруулах үүрэг бүхий Төрийн байгуулалтын байнгын хорооны ажлын хэсгийн хуралдаан 10.00 цагаас “В” танхимд;

  • Эрүүл мэндийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн Эрүүл мэндийн даатгалын тухай хуульд нэмэлт, өөрчлөлт оруулах тухай хуулийн төслийг нэгдсэн хуралдаанаар хэлэлцүүлэх бэлтгэл хангах, санал, дүгнэлтийн төсөл боловсруулах үүрэг бүхий Нийгмийн бодлого, боловсрол, соёл, шинжлэх ухааны байнгын хорооны ажлын хэсгийн хуралдаан 10.00 цагаас “Г” танхимд;

  • Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуульд нэмэлт, өөрчлөлт оруулах тухай хуулийн төслүүдийг нэгдсэн хуралдаанаар хэлэлцүүлэх бэлтгэл хангах, санал, дүгнэлтийн төсөл боловсруулах үүрэг бүхий Төсвийн байнгын хорооны ажлын хэсгийн хуралдаан 16.00 цагаас “В” танхимд.


БАЙНГЫН ХОРООНЫ ХУРАЛДААН:

1.Эдийн засгийн байнгын хорооны хуралдаан 09.00 цагаас “Их Эзэн Чингис хаан” танхимд:

Хэлэлцэх асуудал:

2.Нийгмийн бодлого, боловсрол, соёл, шинжлэх ухааны байнгын хорооны хуралдаан 11.00 цагаас “Жанжин Д.Сүхбаатар” танхимд: 

Хэлэлцэх асуудал:

3.Төсвийн байнгын хорооны хуралдаан 14.00 цагаас “Их Эзэн Чингис хаан” танхимд:

Хэлэлцэх асуудал:

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top