Сери А лигийн шилдэг тоглогчоор Мален тодорлоо

Сери A лигийн хоёрдугаар сарын “EA SPORTS FC сарын шилдэг тоглогч” шагналын эзнээр Дониелл Мален тодорлоо.

Өвлийн солилцооны цонхоор Рома багт нэгдсэн Нидерландын довтлогч Мален богино хугацаанд дасгалжуулагч Жан Пьеро Гасперинигийн багийн довтолгооны тоглолтыг эрс өөрчилж чадсан юм. Тэрээр долоон тоглолтод оролцохдоо зургаан гоол оруулжээ.

Хоёрдугаар сарын дөрвөн тоглолтод Мален дөрвөн  гоол хийсэн бөгөөд үүнд Кальяри болон Наполи багуудын эсрэг хийсэн тоглолтуудад тус бүр хоёр гоол хаалганд оруулжээ.

Энэхүү шагналыг 2026 оны гуравдугаар сарын 22-нд Stadio Olimpico цэнгэлдэхэд, Рома болон Лечче багуудын тоглолтын өмнөх хэвлэлийн бага хурлын үеэр гардуулах юм. Мален энэхүү шагналын төлөө Доменико Берарди, Марко Карнезекки, Федерико Димарко, Мойзе Кин, Уэстон Маккенни нартай өрсөлдсөн байна.

 Шагналын талаар олон улсын 1xBet брэндийн албан ёсны түнш Сери A лигийн гүйцэтгэх захирал Луиджи Де Сиерво хэлэхдээ, Дониелл Малены Италийн лигт үзүүлсэн нөлөө төгс байлаа. Нидерландын шигшээ багийн энэ тоглогч дасгалжуулагч Гасперинигийн тактикийн схемд маш хурдан зохицож, хаалганы өмнө тууштай довтлогч байхаас гадна багийн довтолгооны уялдаа холбоог хангах чадвартай гэдгээ харуулсан гэжээ.

Түүний хэлснээр, өвлийн солилцооны үеэр ирсэн Мален ердөө хэдхэн долоо хоногийн дотор багийн гол тоглогч болж чадсан. Тэр хоёрдугаар сард дөрвөн тоглолтод дөрвөн гоол оруулж, Сарын шилдэг тоглогч-ийн шагналыг хүртсэнээр Рома багийн UEFA Champions League-т шалгарах зорилгод бүрэн нийцэх тоглогч гэдгээ шууд нотоллоо.