Уоррен Заир-Эмери: Бид жинхэнэ багийг бүтээж чадсан

Саяхан Лиг 1-д 100 дахь тоглолтоо хийсний дараа олон улсын 1xBet брэндийн албан ёсны түнш Парис Сен-Жерменийн хагас хамгаалагч Уоррен Заир-Эмери PSG TV-д ярилцлага өгч, улирлын эхний хагас болон Марселийн эсрэг “Classique” тоглолтын талаар ярилцлаа.

Уоррен, та ПСЖ-д 100 дахь лигийн тоглолтоо хийлээ. (19 нас 321 хоногтойдоо энэ амжилтад хүрсэн гурав дахь хамгийн залуу тоглогч). Энэ тоо танд юу илэрхийлж байна вэ?

-Би маш их бахархаж байна. Энэ нь манай  дасгалжуулагч, ерөнхийлөгч болон Луис Кампос нар залуу тоглогчдод хэр их итгэж байгааг харуулж байна. Мөн клуб бүхэлдээ залуучууддаа итгэж, бидэнд найддаг гэдгийг илтгэнэ. 100 дахь тоглолтоо хийсэндээ бахархаж байна. Цаашдаа улам олон тоглолт хийхийг хүсэж байна. Үнэхээр бахдаж байна. Ийм эрч хүчээрээ үргэлжлүүлнэ гэж найдаж байна.

Залуу тоглогчдын тухай ярихад. Та одоо “Тити”-үүдэд (академийн тоглогчид) үлгэр дуурайл болжээ!

-Тэгнэ гэж огт санасангүй! Намайг анх ирэхэд Преско (Преснель Кимпембе) үргэлж зөвлөгөө өгч, өөрийг нь юу хийж байгааг ажиглах боломж олгодог байсан. Залуу тоглогчид үргэлж бүх хүчээ дайчилж, бусдыг ажиглаж, бусдаас суралцах хэрэгтэй гэж боддог. Заримдаа хүн бүртэй ярилцах шаардлагагүй байдаг. Зүгээр л ажиглаад суралцаж болно. Би энд ирснээсээ хойш аль болох ингэж суралцахыг хичээсэн.

Таны санаанд хамгийн тод үлдсэн тоглолт бий юу?

 -Тоглолт бүр, авсан цом бүр гайхалтай. Бид дасгалжуулагчийн философийн дагуу хамтдаа тоглох дуртай. Бид жинхэнэ хамт олон, жинхэнэ баг бүтээсэн. Хамгийн гол нь бид хамт олон, гэр бүл шиг болсон. Хамтдаа тоглох нь үнэхээр сайхан.

101 дэх тоглолт Страсбургийн эсрэг тийм ч амар байгаагүй?

-Зарим хүмүүс бид тоглолт бүрийг 3–0, 4–0-оор хожно гэж боддог. Гэхдээ хөлбөмбөг хэзээ ч тийм амар биш. Бид тоглолт бүрт бүх хүчээ гаргах ёстой. Амар тоглолт гэж байдаггүй.

Страсбургийг ч бай, өөр багийг ч бай хожих амар биш. Өнгөрсөн жил болон энэ жил бидний хийж байгаа зүйл үнэхээр гайхамшигтай. Ялалт бол өөрөө ойлгомжтой зүйл биш, тоглолт бүр хэцүү.

Та энэ улиралд бүх тэмцээнд тоглож байна (33 тоглолт). 2006 оноос хойш төрсөн тоглогчдоос Европын топ 5 лигт ийм амжилт үзүүлсэн хүн байхгүй. Та өөрийгөө хэрхэн бэлтгэдэг вэ?

-Би үргэлж нэг л аргыг хэрэглэдэг. Тоглолт бүрт бүх хүч ээ дайчилж тоглохыг хичээдэг. Өнгөрсөн улиралд надад дутагдсан зүйл бол эрч хүч, сорилтыг даван туулах чадвар. Үүнээс сургамж авч, өөртөө итгэх итгэлээ эргүүлэн олсон. Энэ нь надад маш их нөлөөлсөн. Талбай дээр байх үнэхээр дуртай, тоглолт бүрт адилхан ханддаг. Мөн сэргэлт чухал. Манайд шилдэг бэлтгэлийн төв, шилдэг эмч нарын баг бий. Одоогоор ядраагүй, аль болох олон тоглолт хийхийг хүсэж байна.

Та олон байрлалд тоглосон. Энэ таны давуу тал уу?

-Тийм, энэ бол миний давуу тал. Аль ч байрлалд тоглох чадвартай байх ёстой. Багийн хувьд ч хэрэгтэй. Би аль ч байрлалд тоглосон бай, талбай дээр гарч л байвал аз жаргалтай байдаг.

Саяхан баруун жигүүрийн хамгаалагчаар тоглосон. Юу сурсан бэ?

-Хамгаалалтын шугамтай нэг түвшинд тоглох, прессингийн зөв хэмнэлийг суралцсан. Энэ байрлалд илүү хурд шаарддаг тул биеийн бэлтгэлд ч тустай байсан. Дунд шугамд тоглоход ч илүү эрчтэй тоглоход тусална.

Энэ улиралд таны статистик гайхалтай байна. Луис Энрике таныг ‘онцгой тоглогч’ гэж магтсан?

-Тэр бол манай дасгалжуулагч! Өнгөрсөн жил хэцүү үед ч намайг орхиогүй, зөвлөгөө өгч дэмжсэн. Одоо би өөртөө итгэлтэй болсон. Тэр надаас үргэлж илүү байхыг шаарддаг. Намайг магтсан нь надад урам өгсөн, би талбай дээр түүнд хариуг нь барихыг хичээдэг.

Удахгүй том тоглолтууд болно. Тухайлбал, Classique хүлээж байна. Та энэ тоглолтыг хэрхэн хүлээж авч байна?

-Classique бол академийн тоглогчийн хувьд онцгой. Гэхдээ бэлтгэлийн дэглэмээ өөрчлөхгүй. Бид бүгд хожихыг хүсэж байна. Тамирчид, клуб, фенүүд гээд л. Фенүүд биднийг дэмжинэ гэдгийг мэдэж байна. Бид ч талбай дээр бүх хүчээ дайчилж,  ялалтын төлөө тоглоно. Parc талбайд, фенүүдийнхээ өмнө тоглох нь өөр байх болно. Бид заавал хожихын төлөө бүхнийг хийнэ.