“The MongolZ” баг бүрэлдэхүүндээ “Senzu”-г багтаалаа

“The MongolZ” баг Будапештэд болох межор тэмцээний өмнө багийн бүрэлдэхүүндээ өөрчлөлт оруулж “Senzu”-г зургаа дахь тоглогчоор бүртгүүлжээ. Энэ талаар тэмцээн зохин байгуулагчид өнгөрсөн шөнө мэдээлсэн байна. Зургаа дахь тоглогч гэдэг нь үндсэн бүрэлдэхүүнээс аль нэг тоглогч гэмтэх, ямар нэг шалтгаанаар тоглох боломжгүй болсон нөхцөлд нөхөж оролцдог үүрэгтэй юм.

“The MongolZ” багийн гол тоглогчдын нэг болох “Senzu” буюу М.Азбаяр өнгөрсөн аравдугаар сарын 23-ны өдөр сэлгээнд сууж буйгаа зарласан юм. Тухайн үед түүнийг өөр ямар нэг улсын баг руу явах нь гэж олон нийт таамаглаж байсан ч ийнхүү тэрээр багийн бүрэлдэхүүндээ эргэн ирлээ. Энэ жилийн хамгийн чухал тэмцээн болох Будапештийн межор ангиллын тэмцээнд энэ сарын 24-ны өдөр эхэлж, 12-р сарын 14-ний өдөр өндөрлөх юм.