ӨРНИЙН ЗУРХАЙ: Ихэрийнхэн эрхэлсэн ажилдаа амжилт гаргана

Хонь

Танилын хүрээ тэлнэ. Тэр хэмжээгээр олны дунд байж шагнал урамшуулал ч авах нь. Холбоо тасарсан эртний танилтайгаа уулзаж, мартагдсан дурсамжаа сэргээнэ. Гэхдээ архи, согтууруулах ундаа хэрэглэх гэсний хэрэггүй.

Үхэр

Одоо л боломжоо ашигла. Үгүй бол дараа нь харамсана. Өөрийн чадах зүйлээ эхлүүл. Хайр дурлалын тал дээр одоо байгаа харилцаагаа бэхжүүлэхэд хангалттай.

Ихэр

Удаан хуримтлагдсан өрөө төлснөөр гар дээрээ цэвэр нулимстай үлдэх нь. Гэлээ гэхдээ ур чадварынхаа ачаар эрхэлсэн ажилдаа амжилт гаргана.

Мэлхий

Аз таныг өнөөдөр сүүдэр мэт л дагана. Авьяаслаг мэлхийнхэн өөрт тохирох хэв маягаа олох болно. Таныг мэддэг хэн ч байсан тусламжийн гараа сунгахад бэлэн байна. Гэхдээ унтаж амрах хэрэгтэй. Хосуудын харилцаа халуун дулаан байна.

Арслан

Асуудал хүндэрч болзошгүй. Таны зөрүүд зан зорьсон хүрэхэд саад болно. Санхүүгийн байдал ч базаахгүй байх нь. Гэхдээ зүгээр ээ. Яаран шийдвэр гаргалгүйгээр сайтар эргэцүүлж тунгаана уу.

Охин

Нийгмийн идэвхтэй байдал танд аз дагуулна. Холбоо сүлбээ тань ч нэмэгдэнэ. Гэхдээ дотоод сэтгэлдээ өөрийгөө дутуу үнэлээд хэрэггүй. Учир нь таны мэдлэг, чадварыг сорих олон сорилт хүлээж байна.

Жинлүүр

Гуньж гутраад, баярлаж хөөрөөд хэрэггүй. Яг л тэнгэр мэт орших хэрэгтэй. Үнэхээр боломгүй бол уртаар амьсгаа ав. Дархлаагаа дэмжих хоол хүнс хэрэглэ. Хэн нэгний өмнөөс хариуцлага үүрч, халамжлах хэрэг гарах нь ээ.

Хилэнц

Итгэлийг тань алдсан хэн нэгэнд ихээхэн урам хугарах бололтой. Гэхдээ муу үр дагавар дагуулахгүй. Өөрт ирсэн боломжоо бүү алд. Ялихгүй өвчин тусах бололтой. Гэвч удахгүй илааршина. Гол нь шинэ, шимтэй хоол хүнс хэрэглээрэй.

Нум

Хайр дурлалын харьцаанд зөрчил үүсэхээр байна. Ойлголцож чадвал болох нь тэр. Таныг гэсэн бүгдэд яг одоо чин сэтгэлээ илэрхийл. Хоосон мөрөөдөлдөө хөтлөгдөн худал амлалт өгөхөөс болгоомжил.

Матар

Хувийн амьдралдаа яаран өөрчлөлт оруулах гээд хэрэггүй. Байгаа бүхэндээ л сэтгэл хангалуун бай. Аливаа шийдвэр гаргахдаа дотоод мэдрэмжээ сонс. Ажил дээрх хатуу ширүүн байдлаа гэр бүлдээ гаргаад хэрэггүй. Хэрүүл болохынх л нэмэр.

Хумх

Амралт, зугаалгаар явж, агаар, салхинд гарч толгойгоо сэргээ. Ажлын шинэ санаа ийм л орчинд урган гарна. Өөрийгөө чагнаж чадвал олонд танигдах, санасандаа хүрэх боломж өндөр байна.

Загас

Уйтгарлаад суугаад байвал энэ амьдрал дэндүү хайран. Олны дунд цагийг өнгөрүүл. Уйтгараа давж чадвал ер бусын бэлгүүд таныг хүлээж байна. Сайн найзтайгаа уулзаж илэн далангүй ярилц.