АНУ Тайваньд 4.5 тэрбум ам.долларын ЦЭРГИЙН ТУСЛАМЖ үзүүлнэ

АНУ-ын Сенатын гадаад харилцааны хороо Тайваньд 4.5 тэрбум ам.долларын цэргийн тусламж үзүүлэх хуулийн төслийг баталжээ.

Энэ талаар тус хорооны тэргүүн Жим Риш мэдэгдсэн байна.

Хуулийн төсөлд цэргийн тусламж олгохоос гадна Тайваньд 2 тэрбум ам.доллар хүртэлх хэмжээний цэргийн худалдан авалтад зээлийн баталгаа гаргах, мөн “НАТО-гоос гадуурх АНУ-ын гол холбоотон” гэсэн статус олгохоор тусгажээ.

Цагаан ордны Үндэсний аюулгүй байдлын зөвлөлийн стратегийн харилцааны зохицуулагч Жон Кирби лхагва гарагт АНУ Тайваньд БНХАУ-ын зүгээс ирж байгаа заналхийллийн эсрэг зогсоход шаардлагатай зэвсгийг нийлүүлэх бодолтой байгаа талаар мэдэгдсэн билээ.