Дорно дахинаа гахайг эд баялаг мөнгөний бэлгэдэл хэмээн үздэг аж

 Айлсан ирээд буй гахай жилийн өнгийг үзмэрч зурхайч, лам хуврагууд “Өтгөст ээлтэй нялхаст таагүй”, “Идээ будаа элбэг хангалуун” гэх мэт янз бүрээр тайлбарлаж байна.

Харин Дорно дахинд гахай бол эд баялаг, мөнгө хөрөнгөний бэлгэдэл. Тавтай тухтай, элбэг хангалуун амьдрахын тулд чин сэтгэлээсээ үнэнчээр хөдөлмөрлөсний хариуд үр шимийг нь ихээр хүртэнэ. Хамгийн гол нь гахай жилд ядралгүй шаргуу ажиллахыг зурсан байна. Мөнхүү сэтгэл тань аажуу тайван уужим тэнэгэр байгаарай гэж залбирах учиртайг сануулжээ.