Анжелина Жоли Кейт Миддлтоноос титмийг нь булаан авав

Холливудын алдарт жүжигчин Анжелина Жоли  өнгөрсөн жилийн даагаа нэхэн  Америкийн” Hello!” сэтгүүлээс  зохион  явуулдаг “Хамгийн дэгжин  бүсгүй”-н  жагсаалтыг тэргүүлж чадлаа.Өнгөрсөн оны энэхүү ээлжит санал асуулгын дүнгээр Уэльсийн  гүнж Кейт Миддлтон Анжелина Жолигоос оноогоор илүү гаран  түрүүлээд  байсан билээ.

Энэ жилийн хувьд Анжелина нийт санал асуулганд оролцогчдын 43%-ийн саналыг авч“Хамгийн дэгжин  бүсгүй” титмийн эзэн болжээ. Кейтийн хувьд 22%-ийн санал авсанаар өнгөрсөн жилийн амжилтаасаа ухран гуравт эрэмблэгдсэн байна.Жагсаалтын 2-т Данийн гүнж Мэри бичигджээ.

Мөн тус сэтгүүлээс шалгаруулсан “Хамгийн сэтгэл татам бүсгүй”-н номинацид Анжелина Жоли  36%-ийн саналаар дахин шалгарсан байна.Түүний дараа дуучин Кэтрин Женкинс, жүжигчин Энн Хэтэуэй нар үзэсгэлэнт төрхөөрөө тус тус удаалжээ.