20 оюутанд тэтгэлэг олгоно
“Монгол Улсын Засгийн газар, Холбооны Бүгд Найрамдах Герман Улсын Засгийн газрын хамтарсан тэтгэлгийн хөтөлбөрийг хэрэгжүүлэх тухай хэлэлцээр”-ийн хүрээнд уул уурхай, байгалийн шинжлэх ухааны салбарт ажиллах монголын залуу мэргэжилтнүүдийг дэмжих Монгол-Германы хамтарсан тэтгэлэгт хөтөлбөрийг Холбооны Бүгд Найрамдах Герман Улсын Эрдмийн солилцооны алба (ГЭСА монголчуудын мэддэг нэр нь ДААД)-тай хамтран хэрэгжүүлж байна.
Хэлэлцээрийн хугацаа 2012 онд дуусгавар болж байгаа тул Германы талтай хэлэлцсэний дүнд уг хөтөлбөрийг ирэх 3 жилд үргэлжлүүлэн хэрэгжүүлэхээр тохиролцож, БШУЯ болон ХБНГУ-ын Эрдмийн солилцооны албаны хооронд Хамтарсан тэтгэлгийн хөтөлбөрийг хэрэгжүүлэх тухай хэлэлцээрийг сунган,гарын үсэг зурах гэж байна.
Энэхүү хэлэлцээрт:
- Монголын талаас Боловсрол, шинжлэх ухааны яамны Стратегийн бодлого төлөвлөлтийн газрын дарга Б.Насанбаяр гарын үсэг зурна.
- Германы талаас Бээжин дэхь Германы эрдмийн солилцооны төлөөлөгчийн газрын дарга Mr. Schmidt-Doerr (Монголыг хавсран хариуцдаг) нар гарын үсэг зурна.
Уг хэлэлцээрийн хүрээнд 2013-2015 онуудад, 3 удаагийн элсэлтээр Германы уул уурхайн салбарын их дээд сургуулиудад бакалавр, магистрын сургалтанд нийт 20 хүртэлх оюутанд тэтгэлэг олгоно.
БОЛОВСРОЛ, ШИНЖЛЭХ УХААНЫ ЯАМ
Холбоотой мэдээ
Сэтгэгдэл ( 0 )