Ла Лиг: Рафиньягүйгээр Барселона Атлетикотой хэрхэн тоглох вэ?

Рафинья шөрмөс сунасны улмаас бэртэж, Барселона улирлынхаа хамгийн хүнд хэсэг рүү орох яг энэ үед талбайгаас гарлаа. Ханси Фликийн баг лигийг тэргүүлж байгаа ч Метрополитано цэнгэлдэхэд Атлетикотой хийх тоглолтод өөрсдийн гол довтлогчгүйгээр очихоор болж байна. Каталончууд жигүүрийн байрлалд олон сонголттой ч Атлетикотой хийх ийм тоглолтод ганц л од тоглогчгүй байгаа хялбархан мэдрэгдэнэ.

Орлуулшгүй хохирол

Рафиньягийн энэ улирлын статистик түүний багтаа ямар чухал болохыг тод харуулж байна. Тэр Ла Лигт 11 гоол, гурван оновчтой дамжуулалт, 39 аюултай довтолгооны боломж бүрдүүлсэн, 44 удаа бөмбөг тасалсан

Эдгээр үзүүлэлт нь түүнийг зөвхөн жигүүрээр тоглолтыг сунгаж, торгуулийн талбай руу дамжуулалт өгөхөөс илүү үүрэгтэйг харуулж байна. Бразил тоглогч довтлох боломжийг бүрдүүлж, багийнхандаа боломж гаргаж өгөөд зогсохгүй, бөмбөг эзэмшээгүй үедээ ч маш их ажилладаг.

Ялангуяа Атлетикотой хийсэн өмнөх тоглолтуудад энэ нь тод харагдсан. Энэ улиралд Рафинья Атлетикогийн эсрэг хоёр гоол оруулснаас нэг нь Ла Лигт, нөгөө нь Копа дель Рейд (Барселона эргэн ирэхэд тун ойртсон тоглолт). Гэхдээ түүний нөлөө зөвхөн гоолоор хязгаарлагдаагүй. Тэр Мадридын хамгаалалтад завсар зай олж, тоглолтыг хурдасгаж, олон хамгаалагчийг зэрэг завгүй байлгаж чаддаг.

Түүний үгүйд

Барселона жигүүрийн довтолгоо, хурдан шилжилт, торгуулийн талбай руу гүйх, бөмбөг алдсаны дараах идэвхтэй прессинг зэрэг чухал элементүүдийг алдана.

Рафиньяг хэн орлох вэ?

Хамгийн боломжтой хувилбар бол Маркус Рэшфорд. Тэр байрлал болон бөмбөгтэй ажиллах идэвхийн хувьд Рафиньяд хамгийн ойр.

Рэшфордын үзүүлэлт:

 • 4 гоол

• 6 оновчтой дамжуулалт

 • 36 боломж үүсгэсэн

• 1,337 минутанд торгуулийн талбайд 110 удаа хүрсэн

Гэхдээ тэр төгс орлогч биш. Хурдтай ч довтолгооны төгсгөлийн шийдэлд Рафинья шиг аюултай биш.

Өөр нэг хувилбар бол Ферран Торрес. Тэр жигүүрт гарахдаа бүтээлч гэхээсээ итлүүтэйгээр “төгсгөгч” маягаар тоглоно

Хамгаалалт болон туслах тоглолт багасах ч торгуулийн талбайд байнга аюул үүсгэнэ.

Олмо, Фермин нар шууд орлохгүй, харин тактикийн өөрчлөлт авчирна:

• Олмо → илүү эзэмшилт, богино дамжуулалт, шугам хооронд тоглолт

• Фермин → хурд, шулуун довтолгоо, хүчтэй прессинг

Эдгээр нь ихэвчлэн сэлгээнээс орж тоглолтын хэмнэлийг өөрчлөхөд ашиглагддаг.

Энэ нь Барселонагийн хувьд юу гэсэн үг вэ?

Рафинья тоглохгүй болсон нь Барселонаг сүйрүүлэхгүй, аваргын өрсөлдөөнд нь төгсгөл тавихгүй. Гэхдээ Атлетикотой хийх тоглолтын өмнө энэ бол маш ноцтой. Түүний орон зайг зүгээр нэг тоглогчоор нөхөх боломжгүй бөгөөд бүхэл бүтэн довтолгооны бүтцийг өөрчлөх шаардлагатай болно.