Өнөөдөр луу, бич жилтнээ аливаа үйлийг хийхэд эерэг сайн

Аргын тооллын: 2012.9.24 Даваа гараг
Билгийн тооллын: 9. Дөрвөн ногоон мэнгэтэй шар хулгана өдөр

Наран ургах шингэх: 06.53-18.53

Үс засуулбал: Өвчин өчүүхэн ирнэ. 

Барилдлага: Идэр

Шүтэн барилдлага: Нэр өнгө

Тухайн өдөр луу, бич жилтнээ аливаа үйлийг хийхэд эерэг сайн. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, лусыг тахих, хүүхэд үрчлэн авах, хур оруулах, дарханы үйлд сайн. Улааны үйл, төлөг тавих, морь уралдах, сэтгэлд сэвтэй газар очиход муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар зүүн зүгт одогсод мөрөө гаргавал зохистой. Үс шинээр үргээлгэх буюу засуулахад тохиромжгүй.