Өнөөдөр 2,7-оор төгссөн дугаартай машин хөдөлгөөнд оролцохгүй

Нийслэлийн автозамын ачааллыг бууруулах зорилгоор автомашины улсын дугаарын сүүлийн орны цифрээс хамааран замын хөдөлгөөнд оролцох шийдвэрийг НИТХ-аас баталсан. Энэ шийдвэрийн дагуу өчигдрөөс хэрэгжиж эхлээд буй. Өнөөдөр 2,7-оор төгссөн улсын дугаартай машин 07.00-22.00 цагийн хооронд хөдөлгөөнд оролцохгүй. Энэ журам хөдөө орон нутгийн машинд ч хамаатай. Өөрөөр хэлбэл хөдөө орон нутгийн машин ч мөн адил төгсгөлийн дугаараасаа хамаараад тухайн өдөр хөдөлгөөнд оролцохгүй юм.  

Дараах хэсэгт хөдөлгөөнд оролцохыг хязгаарлаж байна.

• Их тойруу зам болон түүний доторх замуудад,

• Энхтайвны өргөн чөлөөнд Геологийн төв лабораторийн уулзвараас Чулуун овооны уулзвар хүртэлх хэсэгт,

• Наадамчдын гудамж замд Төв аймаг салдаг уулзвараас ТЭЦ-3-ын зүүн урд уулзвар хүртэлх хэсэгт,

• Чингисийн өргөн чөлөөнд ТЭЦ-3-ын зүүн урд уулзвараас Энхтайваны гүүр хүртэлх хэсэгт, 

• Чингэлтэйн өргөн чөлөөнд 32-ын тойргоос 7 буудлын уулзвар хүртэлх хэсэгт,

• Дарь-Эхийн замд Бэлхийн уулзвараас Сансарын ШТС-ын уулзвар хүртэлх хэсэгт,

• Доржийн гудамж,

• Энэбишийн өргөн чөлөө,

• 120 мянгатын тойрог-ХААИС-ийн уулзвар, - Нарантуулын уулзвар хүртэл

Х.Заяа