Цэцэрлэгийн цахим бүртгэл маргааш эхэлнэ

Нийслэлийн цэцэрлэгт хамрагдах хүсэлтийг маргааш өглөөний 09:00 цагаас эхлэн наймдугаар сарын 23-ны 23:59 цаг хүртэл “E-Mongolia” платформоор хүлээн авна.

Эрхэм уншигч та бүртгүүлэхдээ дараах зүйлсийг анхаараарай:

• Өөрийн болон хүүхдийнхээ хаягийн бүртгэл, мэдээллийг нягталж, баталгаажуулсан байх
• Таны хүүхэд өнгөрсөн жил цэцэрлэгт хамрагдсан бол тухайн цэцэрлэгтээ “Үргэлжлүүлэн явах” сонголт хийх
• Хаягийн шилжилт хөдөлгөөн хийх бол 2026 оны наймдугаар сарын 7-ны өдрөөс өмнө бүртгэлээ баталгаажуулсан байх

Ташрамд дурдахад 2026-2027 оны хичээлийн жилд улсын хэмжээнд 258.9 мянган хүүхэд цэцэрлэгт хамрагдах төлөвтэй байгаагаас 126.8 мянга нь нийслэлд хамрагдах юм.