Нисгэгчгүй нисдэг тэрэг анхны нислэгээ үйлдлээ

United Aircraft компанийн нисгэгчгүй Boying T1400 Tandem Rotor нисдэг тэрэг Хятадын Хармөрөн мужийн Харбин хотод анхны нислэгээ амжилттай гүйцэтгэжээ.

Нисдэг тэрэг 6500 метрийн өндөрт 180 км/ц хурдаар найман цаг нисэх хүчин чадалтай. Хоёр моторт тус нисгэгчгүй нисдэг тэргийг хөдөө аж ахуй, ложистик тээвэрлэлт, ойн түймрийг урьдчилан сэргийлэх зэрэг салбарт өргөнөөр ашиглах боломжтой аж.