Kiss Cam-д “баригдсан” Ерөнхий захирал, хэлтсийн дарга хоёрын харилцааг шалгаж эхэлжээ

АНУ-ын Массачусетс мужийн Бостон хотноо болсон Coldplay хамтлагийн тоглолтын үеэр үзэгчдийн суудал дахь хоёр хосыг Kiss Cam том дэлгэц дээр харуулсан нь дуулиан дэгдээгээд амжлаа.

Хэргийн учир нь том дэлгэц дээр гарсан эрэгтэй эмэгтэй хоёр гэр бүлийн хоёр биш.  Astronomer компанийн ерөнхий захирал болон хүний нөөцийн хэлтсийн дарга нар байж таарчээ. Тэр хоёрын тэврэлдэж буй нь дэлгэцэнд гарсанаар эхнэр, хүүхэдтэй ерөнхий захирал Энди Байрон болон хэлтсийн дарга Кристин Кэбот хоёрын хувийн амьдрал болон ажлын нэр хүнд, ирээдүй маш хүнд байдалд оржээ.

Компанийн Удирдах зөвлөл яаралтай хуралдаж, үүссэн нөхцөл байдлыг тодруулахаар хяналт шалгалт хийх нь зөв гэж үзсэн байна. Тоглолтыг тус компанийн өөр нэгэн ажилтан эмэгтэй Алисса Стоддард хамт үзсэн гэх мэдээлэл худал гэдгийг ч компанийн зүгээс албан ёсоор мэдэгдлээ. Энди Байрон хүнд байдалд ормогцоо Алисса Стоддардыг тэнд хамт байсан гэж хэлсэн юм байна. Гэвч хожим нь худал хэлсэндээ уучлалт хүсчээ.

Компанийн Удирдах зөвлөл асуудалд орооцолдсон хоёрт амралт өгсөн байна. Энэ хойгуур хянан шалгаад, шийдвэр гаргах ажээ. Энди Байроныг ойрын хугацаанд захирлын албан тушаалаас нь халахын зэрэгцээ мөн Удирдах зөвлөлийн гишүүний тооноос хасах ёстой гэж компанийн ажилтнууд үзэж буй гэнэ. Энди Байрон 2023 оны компанийн ерөнхий захирал болсон бөгөөд 2024 онд Кристин Кэбот хэлтсийн даргаар очсон байна. Хамтран ажиллахаар болохдоо хоёулаа хэн хэнийгээ маш өндрөөр үнэлж, хүндэлж буйгаа цохон тэмдэглэж байсныг ч хэвлэлүүд дэлгэн тавьжээ.