Эрчим хүчний системд гэнэт их хэмжээний цахилгаан алдагджээ

Испанийн эрчим хүчний системд гэнэт таван секундийн дотор 15 гигаватт цахилгаан эрчим хүч алдагдсан тухай тус улсын ерөнхий сайд Педро Санчес мэдэгдсэн байна.

“Орон нутгийн цагаар 12:33 минутад цахилгаан эрчим хүчний үйлдвэрлэлийн системээс гэнэт 15 гигаваттын цахилгаан эрчим хүч 5-хан секундийн дотор алдагдсан гэж цахилгаан эрчим хүч нэлэнхийдээ тасарсан шалтгааны талаар техникийн мэргэжилтнүүд бидэнд мэдээлсэн. Урьд нь ийм зүйл огт гарч байгаагүй” хэмээн тэр тодруулан хэлэв.

Түүний мэдээлснээр, ийм нөхцөл байдал юунаас болж үүссэн нь одоогоор тодорхойгүй байгаа бөгөөд мэргэжилтнүүд болсон явдлын шалтгааныг тогтоохоор ажиллаж байгаа ажээ. Дөрөвдүгээр сарын 28-нд Испанид цахилгаан эрчим хүчний хангамжийн өргөн цар хүрээтэй тасалдал гарч, олон салбарын үйл ажиллагаанд саатал учруулсан байна. Удалгүй нөхцөл байдлыг аажмаар тогтворжуулжээ.