ӨГЛӨӨНИЙ МЭНД!
Өнөөдөр 2024.03.01.
Өнөөдөр НҮБ-ын Ялгаварлан гадуурхахын эсрэг өдөр, Дэлхийн далайн ургамлын өдөр. Исландад өнөөдөр Шар айрагны баяр, Маршаллын арлуудад Дурсгалын өдөр, БНСУ-д Тусгаар тогтнолын хөдөлгөөний өдөр, Молдавт Хаврын баяр, Польшид Коммунизмын эсрэг тулалдсан дайчдын баярын өдөр.
Энэ өдөр Канадын дуучин Жастин Бибер, Хятадын олимпын хошой аварга, усанд сэлэлтийн тамирчин Е Шивэнь, Америкийн рэп дуучин Ke$ha, Оскарын шагналт, Ганын жүжигчин Лупита Нионго, Испанийн жүжигчин, Оскар, Алтан бөмбөрцөгийн шагналт Хавьер Бардем, Германы “Modern Talking” хамтлагийн дуучин Томас Андерс, АНУ-ын найруулагч Рон Ховард зэрэг алдартан мэндэлжээ.
Энэ өдөр дэлхий дахинд болсон онцлох үйл явдлууд:
1790 - АНУ-д хүн амын тооллого анх удаагаа болжээ.
1869 - Дмитрий Менделеев үелэх системээ нээв.
1947 - Олон улсын валютын сан (ОУВС) үйл ажиллагаагаа явуулж эхэлсэн байна.
1920 – Буриадын автономит БНУ байгуулагдав.
1995 - Интернетийн хайлт, харилцаа холбооны Yahoo компани байгуулагджээ.
1998 - Жеймс Камероны найруулсан “Титаник” кино орлого нь тэрбум ам.долларын босгыг давсан анхны кино болов.
Холбоотой мэдээ
Сэтгэгдэл ( 0 )