БНСУ-ын Хангансүү эмнэлгийн эмч нар түлэнхийн шарх, сорвитой хүүхдүүдэд үнэ төлбөргүй үзлэг, оношилгоо хийлээ

БНСУ-ын Хангансүү эмнэлгийн эмч нар түлэнхийн шарх, сорвитой хүүхдүүдэд үнэ төлбөргүй үзлэг, оношилгоо хийлээ. 

Баянзүрх дүүрэг, Бүгд Найрамдах Солонгос Улсын “U9 Change” ТББ-тай хамтран түлэгдсэн хүүхдүүдийн эмчилгээнд хандив цуглуулах зорилготой “FACE 820” арга хэмжээг 5 дахь удаагаа амжилттай зохион байгууллаа.

Арга хэмжээний үеэр Солонгос хоолны амталгаат худалдаа, бараа худалдан авах, хандив өгөх үйл ажиллагаа зохион байгуулагдлав. Мөн Солонгосын Хангансүү эмнэлгийн эмч нар ГССҮТ-ийн Түлэгдлийн төвийн эмч нартай хамтран, түлэнхийн шарх, сорвитой хүүхдүүдэд үнэ төлбөргүй үзлэг, оношилгоо хийлээ. Тус арга хэмжээний бүх орлого түлэгдсэн хүүхдийг эмчлэх эмчилгээний зардалд зориулагдах юм.