Экспорт өмнөх сараас $198.7 саяар буурчээ

Монгол Улс энэ  оны эхний дөрвөн сард  134 улстай худалдаа хийж, гадаад худалдааны нийт бараа эргэлт 7.7 тэрбум ам.доллар болжээ. Үүнээс экспорт 5.1 тэрбум ам.доллар, импорт 2.7 тэрбум ам.доллар байна.

Нийт бараа эргэлтийн хэмжээ өмнөх оны мөн үеэс 2.6  тэрбум ам.доллар буюу 50.5%,  экспорт 2.3  тэрбум ам.доллар буюу 81.8%, импорт 310.5 сая ам.доллар буюу 13.2%-иар  тус тус өсжээ. 

Харин дөрөвдүгээр сард экспорт өмнөх сараас 198.7  сая ам.доллар буюу 13.1%,  импорт 20.2 сая ам.доллар буюу  2.7%-иар тус тус буурсан байна.