Хирошимад “Их 7” бүлэг Зеленскийтэй хэлэлцээ хийнэ

Украины Ерөнхийлөгч Владимир Зеленский Японы Хирошима хотноо энэ сарын 19-21-нд болох “Их 7” бүлгийн дээд хэмжээний уулзалтад оролцох боломжийг үгүйсгэхгүй байна гэж Киодо агентлаг эх сурвалж дурдан мэдээлжээ.

Украины Ерөнхийлөгчийн тамгын газрын дэд дарга Игорь Жовквагийн мэдэгдсэнээр, Зеленскийн Хирошимад очих эсэх нь цэргийн ажиллагаа болж буй бүс нутаг дахь нөхцөл байдлаас шалтгаална.

АНУ-ын Ерөнхийлөгчийн үндэсний аюулгүй байдлын асуудал хариуцсан туслах Жейк Салливан, “Их 7” бүлгийн орнуудын төрийн тэргүүн нар Хирошима хотноо Зеленскийтэй хэлэлцээ хийхээр төлөвлөж байна хэмээн мэдэгджээ.