Боксын ДАШТ: Узбекистаны 9 боксчин хагас шигшээд шалгарчээ

Cонирхогчдын боксын эрэгтэйчүүдийн ДАШТ тавдугаар сарын 1-14-нд Ташкент (Узбекистан) хотод явагдаж байна.

Өчигдөр 13 жин тус бүрийн урьдчилсан тулаанууд өндөрлөж, медалийн эзэд тодорлоо. Хагас шигшээ тоглолтууд 12-нд явагдаж, финалын тулаанууд 13, 14-нд болно.

Хагас шигшээд шалгарсан боксчдынхоо тоогоор Узбекистан улс тэргүүлж байна. Кубын тамирчид өчигдөр 12 тамирчныхаа талыг алдсан байна.

Хагас шигшээд шалгарсан тамирчид
 

• Узбекистан -  9 боксчин
• Куба - 6
• ОХУ - 6
• Казахстан - 5
• Гүрж, Энэтхэг, Франц, Испани тус бүр - 3
• Армени, Монгол, Бразил, Азербайжан тус бүр - 2
• Кыргызстан, Иордан, Тажикстан, Хятад, Мексик, Итали тус бүр - 1