Итгэмжлэлийн төвд итгэх арга алга

С.Данзан | Zindaa.mn
2023 оны 01 сарын 23

Засгийн газрын өнгөрсөн долоо хоногийн хуралдаанаар зургаан яамны Төрийн нарийн бичгийн дарга, 17 агентлагийн дарга нарыг чөлөөлсөн. Учир нь “Цар тахлын хууль”-ийн үйлчлэл зогссон тул эдгээр албан тушаалтнууд чөлөөлөгдөж нээлттэй өрсөлдөөнд орох юм. Цар тахлын үед нийтдээ 2539 иргэн төрийн албан тушаалд томилогджээ. Эдгээрээс 930 албан хаагчийн ажлын байранд сонгон шалгаруулалт явуулан томилгоо хийгдсэн байна.

Харин үлдсэн 1609 албан хаагчийг 2023 оны нэгдүгээр сарын 01-ний өдрөөр тасалбар болгон чөлөөлж, ажлын байранд нь сонгон шалгаруулалт явуулах шийдвэрийг энэ сарын 11-ний өдөр Төрийн албаны зөвлөлөөс гаргаж эрх бүхий албан тушаалтнуудад мэдэгдэл хүргүүлсэн.

Энэ шийдвэр хэрхэн хэрэгжиж байгаа талаар Монгол Улсын Шадар сайдын харъяа агентлагууд болон болон харъяа газрууд нь ямар байгааг сонирхож үзлээ. Шадар сайдын харъяа агентлаг болох Шударга өрсөлдөөн, хэрэглэгчийн төлөө газрын даргын үүрэг гүйцэтгэгч С.Мөнхчулуун, Стандарт, хэмжилзүйн газрын даргын үүрэг гүйцэтгэгч Б.Билгүүн, Төрийн худалдан авах ажиллагааны газрын даргын үүрэг гүйцэтгэгч Ц.Батзул нар үүрэгт ажлаасаа чөлөөлөгдсөн байна. Харин Үндэсний итгэмжлэлийн төвийн даргын үүргийг түр орлон гүйцэтгэгч С.Соронзонболдыг ажлаас нь чөлөөлсөнгүй нь олны гайхлыг төрүүлэв. С.Соронзонболдыг өнгөрсөн онд “Медика Монголиа” ХХК буюу “Сос медика” эмнэлгийн харьяа лабораторид эрх мэдлээ урвуулж бусдад давуу байдал олгосон үндэслэлээр АТГ-аас шалгаж Нийслэлийн Прокурорын газраас яллах дүгнэлт үйлдэн Баянзүрх дүүргийн Эрүүгийн хэргийн анхан шатны шүүхэд шилжүүлсэн байдаг.

Тэрээр энэ салбартаа хүлээн зөвшөөрөгдсөн ажилтан биш бөгөөд хууль журмаар тавигдсан  мэргэжлийн шаардлагыг хангаагүй нэгэн юм байна.Түүний ажлын алдаа дутагдал хууль зөрчсөн үйлдлүүдийн талаар  Шадар сайдад удаа дараа гомдол очиж АТГ, Төрийн албаны зүгээс энэ байгууллагын даргын албан тушаалд сонгон шалгаруулалт явуулахыг удаа дараа шаардсан албан тоотууд хүргэгдэж  байсан боловч дарагдаад өнгөрсөнд салбарынхан сэтгэл дундуур байдаг байна.

Иймд Шадар сайд та стандарт, хэмжилзүйн тохирлын үнэлгээний толгой байгууллага болох Итгэмжлэлийн төвийн даргын үүргийг Түр орлон гүйцэтгэгч С.Соронзонболдыг хуулийн дагуу ажлаас нь чөлөөлж даруй сонгон шалгаруулалт зарлан мэргэжлийн шаардлага хангасан салбартаа хүлээн зөвшөөрөгдсөн эзэнтэй болгох хэрэгтэй болжээ. Үнэндээ итгэмжлэлд итгэх аргагүй болоод байна.

Эх сурвалж: ӨГЛӨӨНИЙ СОНИН

Сэтгэгдэл ( 3 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Zoloo(203.91.115.48) 2023 оны 01 сарын 26

ИТГЭМЖЛЭЛИЙГ АВАХДАА ХАХУУЛ ӨГӨХИЙГ ШААРДДАГ ЭНЭ БАЙГУУЛАГЫГ , ЭНЭ ДАРГЫН САЙН ШАЛГАХ ХЭРЭГТЭЙ БАЙНА.

0  |  0
зочин (66.181.179.187) 2023 оны 01 сарын 24

Итгэмжлэлийн төв гэж ямар ч туршлагагүй хэдэн улс цуглачихсан, тэгээд тохирлын үнэлгээний байгууллагууд, сорилтын лабораториудыг итгэмжлэнэ гэж ёстой оромдож байх шиг. Уг нь шадар сайд сүүлийн үед стандарт, тохирлын үнэлгээний байгууллагууд гэж их л ярьдаг болж, хэрэг дээрээ дүр эсгэсэн хуурамч яриа . Одоо харж л байя

0  |  0
Зочин(192.82.70.200) 2023 оны 01 сарын 26

Шадар сайдын албаны ажилтнуудын ахан дүүсийг ажилд авч , ажил хийхгүй цалин авдаг хүмүүсээр өөрийгөө хүрээлүүлсэн хүн. Ямартаа шадар сайд байгаа цагт ” хамтдаа ” гэж онигоо гарах вэ дээ.

1  |  0
Top