А.Ариунзаяа: Тэтгэврийн шимтгэлийн 2 хувийг бодит хуримтлал болгоно

2022 оны 10 сарын 24

Нийгмийн даатгалын тогтолцоог хуримтлалын тогтолцоонд шилжүүлэх бодлогыг Засгийн газар баримталж буй.  Энэ хүрээнд Сингапур улсын хуримтлалын тогтолцоог нэвтрүүлэхээр тус улсаас зөвлөх үйлчилгээ авах ажлын эхний үе шат дууссан байна. Түүнчлэн дээрх ажлын хүрээнд таван хуульд өөрчлөлт оруулах шаардлагатайгаас хоёр хуулийн төслийг УИХ-д өргөн барьжээ.

Энэ талаар Ерөнхий сайдын ахлах зөвлөх А.Ариунзаяа "Алсын хараа 2050" нэвтрүүлэгт оролцохдоо дараах мэдээллийг өглөө.


Тэрээр "Залуучууд хуваарилалтын тогтолцооноос илүүтэй хуримтлалын тогтолцоог бий болгох шаардлагыг тавьж байна.

Хуримтлалын тогтолцоо нь миний төлсөн шимтгэл эргээд зөвхөн надад зарцуулагдах ёстой. Би үүнийг ар гэртээ өвлүүлэх боломжтой байх ёстой. Сингапур, Казахстан зэрэг 30 орчим улсад хуримтлалын тогтолцоо байдаг. Тодорхой хуримтлал үүссэн байгаа бол түүнийгээ эргээд өөрийнхөө боловсрол, эрүүл мэнд, орон сууц гэх мэт тодорхой секторт зарцуулах боломжтой байх энэ гарцуудыг нээж өгнө үү гэдэг шаардлага үүссэн явж байгаа.

Бид Сингапурын тогтолцоог Монгол Улсад нэвтрүүлэхээр зөвлөх үйлчилгээ авах ажлын эхний үе шат нь дууссан. Аливаа өөрчлөлт хурдан хийгдэхгүй. Нэн ялангуяа олон хүнийг хамарсан чухал асуудал дээр хуумгай хандаж болохгүй. Тиймээс үе шаттай хуваарилалтын тогтолцооноос хуримтлалын тогтолцоо руу шилжихээр бодлогын бичиг баримт бичиг болоод хуулийн төслүүд явж байгаа.

Бидний хувьд төрөөс тэтгэврийн талаар баримтлах бодлогын бичиг баримтуудад үе шаттай хуримтлалын тогтолцоонд бүрэн шилжинэ гэдэг нь орчихсон байгаа.

Бид төсвөөс тодорхой хэмжээнд эхний үе дээрээ том дэмжлэг шаардлагатай болно. Хэзээ, хаана, яаж эхлэх вэ гэдэг нь нэг том сорилт болж эхэлнэ.

Бидний хувьд тэтгэврийн шимтгэлийн 17 хувийн 2 хувийг нь бодитоор хуримтлал үүсгэж эхэлье гэдэг концевцыг дэвшүүлээд явж байгаа. УИХ-д ороод хэрхэн, яаж батлагдах вэ гэдэг нь цаг хугацааны асуудал болж байна" гэлээ.

 

 

Сэтгэгдэл ( 3 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
zochin(192.82.68.32) 2022 оны 10 сарын 26

chi anhaa asrahin medehu.anhaa asrahin zolbi yu gel huni orobdohin boloo.

0  |  1
zochin(192.82.68.32) 2022 оны 10 сарын 25

asrahin ugadsa chi hair enerle gej medehguis hdee.

0  |  0
Get(66.181.183.184) 2022 оны 10 сарын 26

Ene avgai yaagaad bainga niigmiin daatgaliin mingiig sonirhood bdag yum bol tsaana huuchin banknii ehkjargal zaaj ogood bdag

1  |  1
Top