Талибууд 150 мянган хүнтэй шинэ арми байгуулна

Я.Болор | Zindaa.mn
2022 оны 02 сарын 15

2021 оны наймдугаар сард Афганистаны төрийн эрхийг гартаа авсан “Талибан” хөдөлгөөн 150 мянган хүний бүрэлдэхүүнтэй шинэ арми байгуулахаар болсон тухай “Талибан”-ы засгийн газрын батлан хамгаалах яамны хэвлэлийн төлөөлөгч Энаятулла Хаваризми “Bakhtar” агентлагт өгсөн ярилцлагадаа мэдээлжээ.

Түүний хэлснээр, шинэ зэвсэгт хүчнийг бүрдүүлэхдээ байлдааны туршлагатай цэргүүдийг дайчлах гэнэ. Бие бүрэлдэхүүнд мөн өмнөх дэглэмийн үед армид алба хааж байсан дайчдыг оруулна.

Техник хангамжийн хувьд талибууд хөрш зэргэлдээ улс орнуудтай цэргийн техник нийлүүлэх тухай яриа хэлэлцээ хийж байна.

Өнгөрсөн оны сүүлчээс “Талибан” хөдөлгөөн үндэсний армид бүтцийн өөрчлөлт хийх, ур чадварыг нь нэмэгдүүлэх үүрэг бүхий тусгай хороо байгуулсан. Үүний сацуу талибууд цэргийн боловсролын системд шашин, үзэл суртлын хүмүүжлийн үндсийг нэвтрүүлж байгаа аж.

 

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top