Шатахууны хэрэглээнийхээ 50 хувийг урд хөршөөс авна

Уул уурхайн яамны харьяа Газрын тосны газар, Хятадын "Петро чайна" интернэйшнл компанитай харилцан ойлголцлын санамж бичиг байгуулжээ. Энэ нь шатахууныхаа хэмжээг нэмэгдүүлэх боломжтой болж байгаа аж. Манай улс өнөөгийн байдлаар  сард арван мянган тонн  шатахууныг урьд хөршөөс авч байна.  Замын-Үүд өртөөн дэх шингэн түлш шилжүүлэн ачих төхөөрөмжийн өргөтгөл ирэх сард дуусна. Энэ ажил дуусч  байгууламж бүрэн хүчин чадлаараа ажиллавал сард 35-40 мянган тонн шингэн түлш шилжүүлэн ачих боломжтой болох гэнэ. Тиймээс манай улсын газрын тосны бүтээгдэхүүнийхээ  сарын хэрэглээний 40-50 хувийг урд хөршөөс  нийлүүлэх боломжтой болох юм.