Одоогийн байдлаар 1 сая 532 мянган иргэн хувьцаа авах хүсэлт гаргажээ
Хөдөлмөр халамжийн үйлчилгээний газраас сэтгүүлчдэд мэдээлэл хийлээ. Хамтарсан засгийн газрын мөрийн хөтөлбөрт тусгагдсан иргэн бүрт олгохоор тусгасан 1.5 сая төгрөг эхнээсээ эзэндээ бүрэн гүйцэд очжээ.
Өнөөдрийн байдлаар иргэдээс оюутнууд хамгийн түрүүнд хүний хөгжил сангаас олгож байгаа эх орны хувь хишгээ хүртсэн бол ахмад настан болон хөгжлийн бэрхшээлтэй иргэдэд 330 мянган төгрөгийг нь олгоод байгаа ба үлдсэн хувийг нь энэ сардаа багтаан нэн даруй олгож дуусгах юм байна.
Бусад иргэдийн хувьд өмнө нь бэлэн бусаар хишиг,хувиа хүртсэнээс шалтгаалан “Эрдэнэс таван толгойн” 1072 ширхэг хүртэл хувьцааг эзэмших болсон. Өөрөөр хэлбэл иргэд хувьцаа хэлбэрээр хишиг, хувиа бүрэн хүртлээ гэсэн үг юм. Одоогийн байдлаар 1 сая 532 мянган иргэн хувьцаа авах хүсэлтээ гаргаад байгаа гэнэ.
А.ТЭМҮР
Холбоотой мэдээ
Сэтгэгдэл ( 0 )