Улаанбаатарт PGL тэмцээн зохион байгуулах боломжийг судалж байна
PGL Astana 2026 esports тэмцээний үеэр олон улсын 1xBet компанийн төлөөлөгчид зохион байгуулагчид болон The MongolZ багийн тоглогчидтой ярилцжээ. Ярилцлагын гол сэдэв нь Монгол улс өөрийн е-спортын томоохон тэмцээнийг зохион байгуулах боломжтой эсэх, фэнүүд хэзээ PGL Ulaanbaatar-ыг өөрсдийн нүдээр үзэх боломжтой эсэх асуудал байв.
The MongolZ — Азийн шилдэг баг
Олон жилийн турш Counter-Strike е-спортын ертөнцөд Европ болон Хойд Америкийн багууд ноёрхож, тэмцээний ихэнх нь тэдгээр бүсэд зохион байгуулагддаг байсан. Гэвч сүүлийн гурван жилийн хугацаанд The MongolZ багийн үзүүлсэн амжилтууд Монгол улс анхны том хэмжээний е-спортын тэмцээнээ хүлээн авахад бэлэн болсныг харууллаа.
.jpg)
YaLLa Compass 2024 болон Thunderpick World Championship 2024 тэмцээнүүдэд байгуулсан эхний амжилтууд нь The MongolZ-ыг хамгийн ирээдүйтэй шинэ багуудын нэг болгосон. Харин Esports World Cup 2025-ийн аварга болж, BLAST.tv Austin Major 2025 тэмцээнд дэд байр эзэлсэн нь тэднийг дэлхийн е-спортын элит багуудын эгнээнд баттай оруулсан юм.
Энэ нь зүгээр нэг магтаал биш. 2025 оны есдүгээр сард The MongolZ нь Valve болон HLTV-ийн чансааг тэргүүлж, дэлхийн номер нэг Counter-Strike баг болсон. Ингэснээр Монгол улс е-спорт хөгжиж буй бүсээс дэлхийн хэмжээний хүчирхэг өрсөлдөгч болон хувирлаа.
“PGL Монголын е-спортын хөгжлийг анхааралтай ажиглаж ирсэн бөгөөд өнөөдөр энэ нь дэлхийн хамгийн сонирхолтой е-спортын орон зайн нэг болсон гэдэгтэй санал нийлдэг.
The MongolZ зөвхөн гайхалтай үр дүнд хүрээд зогсохгүй, Монгол Улсын жинхэнэ элч төлөөлөгч болсон” гэж PGL Esports онцолсон байна.
Монголд PGL тэмцээн болох боломж
Албан ёсны түнш нь болох 1xBet-ийн дэмжлэгтэйгээр The MongolZ нь Монголын е-спортыг дэлхийд таниулах гол хөдөлгөгч хүч болсон. Багийн тоглогчдоос “Монгол улс PGL Astana 2026 түвшний тэмцээн зохион байгуулахад бэлэн үү?” гэж асуухад: “PGL-ийн багийн дэмжлэгтэйгээр тэмцээн амжилттай болно гэдэгт итгэлтэй байна. Анх удаа хийх гэж байгаа зүйлд хэн ч бүрэн бэлэн байдаггүй. Гагцхүү зориг гаргаж, бүхнээ дайчлах хэрэгтэй. Бидний бодлоор зуны эсвэл намрын улиралд зохион байгуулбал хамгийн тохиромжтой.” Хэрэв Монголд PGL тэмцээн болбол ямар уур амьсгал бүрдэх вэ гэсэн асуултад: “Thunderpick WC2024-ийн уур амьсгалтай төстэй байх болов уу гэж төсөөлж байна. Үзэгчдийн тоо бусад тэмцээнээс цөөн байсан ч бүх үзэгчид биднийг дэмжиж байсан. Яг гэртээ байгаа мэт мэдрэмж төрсөн. Өөрийн эх орондоо тоглох үнэхээр гайхалтай байх болно.”
The Horde — Соёлын үзэгдэл болсон фан хөдөлгөөн
The MongolZ нь Монголын е-спортын хамгийн том урам зориг болсон. Улаанбаатар хотын төвд багийн тоглогчдын ханын зургууд бий болж, тэд телевизийн шоу болон загварын сэтгүүлүүдэд хүртэл оролцох болсон.
BLAST.tv Austin Major 2025-ийн финалын үеэр мянга мянган фенүүд шөнийн цагаар Улаанбаатарын гудамжинд цугларч багаа дэмжсэн нь Монголын е-спортын түүхэнд онцгой мөч болсон.
The Horde нэртэй фэн хөдөлгөөн нь The MongolZ болон түүний албан ёсны түнш 1xBet брэндийн дэмжлэгтэйгээр байгуулагдсан бөгөөд өдгөө соёлын үзэгдэл болон өргөжжээ.
Тэд PGL Cluj-Napoca 2026 тэмцээнд оролцож, хүчтэй уухай, бөмбөр, эрч хүчтэй дэмжлэгээрээ дэлхийн анхаарлыг татсан. PGL Astana 2026 дээр The Horde дахин гайхалтай үзүүлбэр үзүүлж, тэмцээний хамгийн сэтгэл хөдөлгөм мөчүүдийн нэгийг бүтээсэн байна.
PGL Esports-ийн зүгээс: “Зохион байгуулагчийн хувьд хамгийн их анхаарал татсан зүйл бол Монголын фэнүүд байсан. Тэдний эрч хүч, нэгдэл, өөрийн гэсэн өнгө төрх нь өнөө үед маш ховордсон үзэгдэл бөгөөд ийм л уур амьсгал тэмцээн зохион байгуулах хотыг онцгой болгодог”.
Монгол Улс олон улсын хэмжээний тэмцээн зохион байгуулахад бэлэн
Тэмцээн зохион байгуулагчид дараах хүчин зүйлсийг харгалзан үздэг:
• Е-спортын нэр хүнд
• Дотоодын хүчтэй багууд
• Идэвхтэй хөгжөөн дэмжигчид
• Олон улсын жуулчдад сонирхолтой орчин
Монгол Улс эдгээр бүх шалгуурт нийцэж байна. Ялангуяа монголчуудын зочломтгой зан, үндэсний соёлоо түгээх хүсэл нь давуу тал болж байгаа юм. Мөн Улаанбаатарт томоохон тэмцээн зохион байгуулах боломжтой хэд хэдэн байгууламж бий. Тухайлбал,
• M Bank Arena
• Steppe Arena
• Бөхийн өргөө
PGL нь е-спортын дэлхийд тэргүүлэх чансааны тэмцээн зохион байгуулагчдын нэг бөгөөд Бухарест, Клуж-Напока, Астана зэрэг хотуудад томоохон тэмцээнүүдийг хийж байсан. Мөн энэ жил Сингапурт шинээр том тэмцээн зохион байгуулахаар төлөвлөжээ.
PGL Esports “Дэлхийн хэмжээний тэмцээнийг шинэ зах зээлд авчрахын тулд дэд бүтэц, шууд дамжуулалтын боломж, аялал жуулчлал, орон нутгийн түншлэл зэрэг олон хүчин зүйл хэрэгтэй. Гэхдээ бид нэг зүйлийг шууд хэлмээр байна. Монгол Улс PGL-ийн анхаарлын төвд байгаа бөгөөд бид Улаанбаатарт ирээдүйд PGL тэмцээн зохион байгуулах боломжийг судалж байна” гэж мэдэгдсэн юм.
The MongolZ хариуд нь “Бид бэлэн. The MongolZ бэлэн. Монголын фенүүд биднээс ч илүү бэлэн байгаа. Харин та бэлэн үү?” гэжээ.
Сэтгэгдэл ( 0 )