"Нээлттэй хаалганы өдөрлөг" 17-19-ны өдрүүдэд болно

"Монгол цэргийн өдөр", орчин цагийн Зэвсэгт хүчний 105 жилийн ойн босгон дээр Батлан хамгаалах яам, Зэвсэгт хүчний Жанжин штабаас 03 дугаар сарын 17-19-ний өдрүүдэд жанжин Д.Сүхбаатарын талбайд “Нээлттэй хаалганы өдөрлөг” арга хэмжээг зохион байгуулж байна. Энэ нь “Монгол цэргийн өдөр”-ийг тохиолдуулан батлан хамгаалах салбар, Зэвсэгт хүчний үйл ажиллагааг олон нийтэд сурталчлах, иргэн-цэргийн харилцааг бэхжүүлэх, иргэдэд зарим төрлийн үйлчилгээ үзүүлэхэд чиглэсэн юм. 

Та жанжин Д.Сүхбаатарын талбайд энэ өдрүүдэд очсоноор дараах үйлчилгээг авна. Үүнд, 

• Хугацаат цэргийн алба хаагчдын ар тал хангалтын үзэсгэлэн
• Батлан хамгаалах төв архив - лавлах үйлчилгээ
• Цэргийн төв эмнэлэг - урьдчилан сэргийлэх эрүүл мэндийн үзлэг
• Цэргийн штабын байгууллагууд - цэргийн бүртгэл, гэрээт албанд элсүүлэх бүртгэл
• Алдар спорт хороо - спортын тэмцээн, уралдаан
• Монгол цэргийн музей - Зэвсэгт хүчний 105 жилийн түүхэн үзэсгэлэн
• Төрөл мэргэжлийн цэргийн үзэсгэлэнгүүд
• Цэргийн урлагийн тоглолт
• Хип хоп дууны уралдаан