Менингококкийн халдвараар өвчилсөн нэг хүүхэд ЭНДЖЭЭ

Ховд аймагт Менингококкийн халдвараар хоёр хүүхэд өвчилж нэг хүүхэд эндсэн харамсалтай тохиолдол гарлаа.

Өнөөдөр /2026.03.13/ аймгийн Онцгой комисс хуралдлаа. Сэргийлэх боломжтой учраас бүх нийтийг хамарсан хөл хорио тогтоохгүй.

Харин:

• Тухайн халдвар гарсан Жаргалант сумын VII сургуулийн 1-5 дугаар ангийн хичээл, сургалтын үйл ажиллагааг 7 хоногийн хугацаатай цахимаар зохион байгуулах,
• Хүүхдүүдийг хамруулсан олон нийтийн арга хэмжээг түр хязгаарлаж төлөвлөсөн арга хэмжээг цуцлах,
• Сургуулийн ялангуяа бага асны хүүхдүүдийг эрүүл мэндийн үзлэгт бүрэн хамруулах,
• Урьдчилан сэргийлэх зөвлөмжийг олон нийтэд хүргэх ажлыг зохион байгуулах чиглэлийг өглөө.