Хамасын шинэ удирдагчийг хөнөөжээ

Израилын арми Газын зурвас дахь Хамас бүлэглэлийн шинэ удирдагч Мохаммед Синварыг устгасан гэж Ерөнхий сайд Биньямин Нетаньяху мэдэгджээ. Тэрээр өнгөрсөн намар амиа алдсан Хамасын удирдагч Яхя Синварын төрсөн дүү байв.

Тавдугаар сарын 13-нд Израилын арми Газын зурвасын Хан Юнис дүүрэг дэх Европ эмнэлгийн нутаг дэвсгэрт агаарын цохилт өгсөн. Израилын талын мэдэгдсэнээр, Хамасын газар доорх дэд бүтцэд цохилт өгчээ. Агаарын цохилт нь Мохаммед Синварыг устгах зорилготой байсан гэж Израилын тал мэдэгдсэн.

Газын зурвасын эрүүл мэндийн яам цохилтын үеэр 28 хүн амь үрэгдсэн болохыг мэдээлсэн ч Синвар амиа алдсан эсэхийг батлаагүй байна.