Хэнтийчүүд "Чингис хааны нэрийг зөв зохистой хэрэглэх" санал гаргав

Автор | Zindaa.mn
2023 оны 02 сарын 02

Хэнтий аймгийн Иргэдийн төлөөлөгчдийн хурлын арвандолдугаар хуралдаанаар “Чингис хааны нэрийг зөв зохистой хэрэглэх саналыг уламжлах тухай” асуудлыг хэлэлцлээ. Тодруулбал, Чингис хааны нэрийг эд материал, бараа, сав баглаа, боодолд хэрэглэх нь замбараагүй болж, хуулийн зохицуулалтгүй, хэрхэн ашиглах, хэрэглэх нь иргэн, байгууллагын сайн дурын шийдэл болсон тул, мөн уг асуудалд Соёлын яамнаас бодлого гарган ажиллаж байгаатай холбогдуулан Чингис хааны нэрийг үнэ цэнтэй байлгах, зөв зохистой хэрэглэх, ашиглах тухай асуудлыг ИТХ-ын хуралдаанаар оруулан хэлэлцсэн байна. Ийнхүү тогтоолын төсөл боловсруулан аймгийн Засаг дарга Ц.Чогсомжав УИХ, Засгийн газарт уламжлахаар болжээ. 

Тогтоолын төсөлд,

1. Их Монгол Улсыг үндэслэн байгуулагч, Мянганы суут хүн, Их Эзэн “Чингис хаан”-ы нэр, дүр төрхийг үнэ цэнтэй байлгах, үнэт зүйл болгон дээдлэх, зөв хэрэглэх, хамгаалах саналыг уламжилсугай.

2. Шийдвэрийг Монгол Улсын Ерөнхийлөгч, Улсын Их Хурал, Засгийн газарт уламжлан, хуралд тайлагнаж ажиллахыг аймгийн Засаг дарга /Ц.Чогсомжав/-д даалгасугай” хэмээн тусгаж, төлөөлөгчдийн 100 хувийн саналаар баталлаа хэмээн бичсэн байна. 

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Өндөрхаан(103.212.118.124) 2023 оны 02 сарын 02

Хэлэлцэх юмаа олж ядаж дээ..Доод шатандаа ч Попорчих юм.Хүндээ чиглэсэн орон нутгийн шинжтэй олон асуудал байна ш дээ.\n\n

0  |  0
Top