Г.Занданшатар: Нэг их наядын ХӨНГӨЛӨЛТТЭЙ ЗЭЭЛ олгоно

УИХ-аас хууль сурталчилгааны чиглэлээр зохион байгуулж буй ээлжит арга хэмжээний хүрээнд УИХ-ын дарга Г.Занданшатар "Шинэ сэргэлт - эрх зүйн 10 шинэчлэлт" сэдвийн хүрээнд мэдээлэл хийж байна. 

УИХ-ын дарга "Шинэ сэргэлт эрх зүйн 10 шинэчлэлтийн хүрээнд 10 багц хуулийн шинэчлэл хийхээр төлөвлөсөн. Гурван бүлэг, есөн багц бүхий нэг цогц шинэчлэлийн хуулиудыг баталж, эрх зүйн шинэчлэл хийхээр төлөвлөж байна. 

Төлбөрийн тэнцлийн алдагдал 1.4 тэрбум долларт хүрч, төгрөгийн ханш 19 хувиар сулраад байна. Энэ нь инфляцад дахиад 6 хувиар нөлөөлөх тооцоолол бий болгож байна. 

Эдийн засгийг халамжаас хөдөлмөрт шилжүүлэхийн зэрэгцээ ойрын хугацаанд хувийн хэвшлээ дэмжих зайлшгүй шаардлага үүсэж байна.

Эдийн засгийн рефомыг гурван багц хуулиар хэрэгжүүлнэ. Хүн амын амьжиргааг дээшлүүлэхийн тулд валютын ханшаа тогтворжуулах ёстой.

Нэг тэрбум ам.доллароор валютын орох урсгалаа нэмэгдүүлэх шаардлага тулгарч байгаа. Үүний тулд нэг их наяд төгрөгийн экспортыг дэмжих зээлийн хөтөлбөр хэрэгжүүлнэ.

Төсөвт суулгасан хүүгийн татаасын бодлогыг хэрэгжүүлнэ. Бүхнийг экспортод шилжүүлж, экспортыг нэмэгдүүлэхийн тулд 66.3 тэрбум төгрөгийн хүүгийн татаасын болон олон улсын төсвийн санхүүжилтээр нэг их наяд төгрөгийн хөнгөлөлттэй зээл олгоно. Хэрэгжүүлэх чухал асуудалд Төвлөрлийг сааруулж, түгжрэлийг бууруулах цогц арга хэмжээ мөн багтаж байгаа" гэдгийг онцлов. 
 

УИХ-ЫН ДАРГЫН ОНЦОЛСОН ГУРВАН БАГЦ ХУУЛЬ
 

Нэгдүгээрт, Эдийн засгийн реформ багтаж байна. 
 

• Эдийн засгийг тогтворжуулах багц хууль
• Хөрөнгө оруулалт хувийн хэвшлийг дэмжих бизнесийн орчныг сайжруулах багц хууль
• Эдийн засгийн төрөлжилт аж үйлдвэрлэлийг дэмжих багц хууль хамрагдана. 
   

Хоёрдугаарт, Нийгмийн бодлогын реформ багтана. 
 

• Боловсролын багц хууль
• Нийгмийн хамгааллыг дэмжих багц хууль
• Нийтийн эрүүл мэндийг дэмжих багц хуулийг онцолж байна. 
   

Гуравдугаарт, Засаглал улс төрийн реформ хийнэ. 
 

• Улс төрийн нам тогтолцоог шинэчлэх багц хууль
• Авлигатай тэмцэх багц хуулийг шинэчилнэ.